Азаматтарды қабылдау

Бүгін Уәлиханов аудандық мәслихаты депутаттарының қабылдау кестесіне сәйкес №2 сайлау округінің депутаты Амангелді Солтанұлы Сатыбалдин Бидайық ауылында азаматтарды қабылдауын өткізді.

Қабылдау барысында Өндіріс ауылының тұрғыны М.Т.Құсайынов Бидайық — Өндіріс ауылдары арасындағы тас жолының шетінде өсіп кеткен шөптер мен арамшөптерді шабу қажеттілігі туралы мәселені көтерді. Ол мұндай жұмыстардың жүргізілмеуі қыс мезгілінде қар ұстауға қиындықтар тудыруы мүмкін екенін атап өтті.

Депутат бұл мәселені аудандық тұрмыстық-коммуналдық шаруашылық, ЖК және АЖ бөлімі өкілдерімен хабарласып, М.Т.Құсайыновқа осы аптада аталған аумақта шөп шабу жұмыстары жүргізілетіні туралы хабарлады.