Азаматтарды қабылдау

2024 жылдың 16 қазанында аудандық мәслихат төрағасы С.Сәниев Кішкенекөл ауылының тұрғыны Жұмажанова Анар Кенжебайқызын жеке қабылдады.

Қабылдау барысында Анар Кенжебайқызы бірқатар маңызды мәселелерін көтерді. Оның ішінде, Қ. Асқаров көшесіндегі (Автобаз) балаларға арналған ойын алаңында орнатылған жарық шамдарының жанбай тұрғаны балалардың қауіпсіз ойнауына кедергі келтіріп отырғанын айтты. Сондай-ақ, көшеде иесіз қаңғыбас иттердің жүруі екінші ауысымда оқитын мектеп оқушыларына кешкі уақытта қауіп төндіретіні атап өтті. Қоса айтқанда, Қ. Асқаров көшесі, 1 үйдің (екі пәтерлі үй) маңына жарық шамын орнату туралы өтініш білдірді.

Аталған мәселелерді шешу мақсатында Кішкенекөл ауылдық округінің әкіміне депутаттық сауал жолданды.