1951 жылғы 10 қараша күні Көкшетау облысы Қызылту ауданы Жамбыл ауылында дүниеге келген.
1975 жылы Қарағанды политехникалық институтын «Инженер-механик» мамандығы бойынша тәмәмдаған, 1990 жылы ҚазССР агроөнеркәсіптік кешенді басқарудың жоғары мектебін бітірген.
Еңбек жолын 1975 жылы Көкшетау облысы Қызылту кентінде жөндеу зауытының инженер-конструкторы болып бастаған. Ауданымызда инженерлік саланы дамытып, осы салада үлкен жұмыстар атқарған.
Әр жылдары ауданда «Қаракөл» савхозында бас инженер, «Амангелді» совхозының партком хатшысы, Қызылту аудандық партия комитетінің ауылшаруашылығы бөлімінің меңгерушісі, «Озерный» совхозының директоры болған. 1997 жылдан 2004 жылға дейін Уәлиханов ауданы әкімінің экономика жөніндегі орынбасары болып қызмет атқарды. 2004-2014 жылдары аудандық ауыл шаруашылығы және ветеринария бөлімінің басшысы қызметінде болған. 2014 жылы құрметті зейнет демалысына шықты.
Марапаттары: «Қазақстан Конституциясына 10 жыл» мерейтойлық медалі (2005 ж.), «Бірінші ұлттық ауыл шаруашылығы санағы» төс белгісі (2007 ж.), «Тың игеруге 50 жыл» мерейтойлық медалі (2004 ж.), «Еңбек ардагері» медалі (2001 жыл), «Қазақстан Республикасының Тәуелсіздігіне 30 жыл» мерейтойлық медалі (2021 ж.).
«Уәлиханов ауданының құрметтi азаматы» атағы Уәлиханов аудандық мәслихаты сессиясының 2023 жылғы 28 қыркүйектегі №3-8с шешiмiмен берiлдi.