GOV.KZ – Мемлекеттік органдардың цифрлық ресурстарының бірыңғай платформасы

Меню
Страницы
Баспасөз орталығы
Құжаттар
Қызметі
Байланыс ақпараты
Әкім аппараты
Онлайн қабылдау
Әкім аппараты
Қызметі
Онлайн қабылдау
Баспасөз орталығы
Все материалы
23 октября 2026
Мереке күндеріндегі ХҚКО мен МХҚКО-лардың жұмыс кестесі

Мереке күндеріндегі ХҚКО мен МХҚКО-лардың жұмыс кестесі

Қазақстан Республикасы күні мерекесіне орай, халыққа қызмет көрсету орталықтары мен мамандандырылған ХҚКО-лар дүйсенбі, 26 қазан күні жұмыс істемейді.

Бұл ретте, 24 қазан, сенбі күні кезекші ХҚКО мен мамандандырылған ХҚКО-лар жұмыс істейді. ХҚКО-лар азаматтарды сағат 9:00-ден 13:00-ге дейін қабылдайды. Мамандандырылған ХҚКО-ларда өтініштер сағат 9:00-ден 12:00-ге дейін қабылданып, құжаттар 13:00-ге дейін беріледі.

Шығыс Қазақстан облысындағы ХҚКО-лардың жұмыс күні бір сағатқа ерте басталып, бір сағатқа ерте аяқталатынын ескерген жөн.

27 қазаннан бастап ХҚКО мен мамандандырылған ХҚКО-лар әдеттегі жұмыс кестесіне сәйкес қызмет көрсетеді.

Кезекші ХҚКО мен мамандандырылған ХҚКО-лардың өзекті тізімін Мемлекеттік корпорацияның Instagram әлеуметтік желісіндегі ресми парақшасынан, сондай-ақ 1414 нөмірі арқылы білуге болады.

 

 

23 октября 2026
Кадастрлық цифрлық сервистер жаңа координаттар жүйесіне көшеді

Кадастрлық цифрлық сервистер жаңа координаттар жүйесіне көшеді

Жылжымайтын мүліктің бірыңғай мемлекеттік кадастры жаңа мемлекеттік координаттар жүйесі QazTRF-23-ке  көшеді. Сол себепті демалыс және мереке күндері, 2026 жылғы 23 қазан сағат 19:00-ден 27 қазан сағат 00:00-ге дейін ЖМБМК мен Жария кадастрлық картасында техникалық жұмыстар жүргізіледі.

Технологиялар дамыған сайын координаттарды анықтау тәсілдері де жаңаруды қажет етеді. Бұрын координаттар спутниктік технологиялар пайда болмай тұрып жасалған әдістермен анықталса, бүгінде заманауи технологиялар бұл жұмысты дәлірек орындауға мүмкіндік береді. Жаңа координаттар жүйесіне көшу – әлемдік тәжірибе және Қазақстан да осы бағытта жұмыс жүргізіп жатыр. Осыған байланысты мемлекеттік ақпараттық жүйелердегі кеңістіктік деректер, цифрлық карталар мен сервистер жаңа координаттар жүйесіне көшіріледі.

QazTRF-23 – ескірген геодезиялық жүйелердің орнына іске қосылған заманауи әрі ашық мемлекеттік координаттар жүйесі. Оның көмегімен Қазақстан аумағындағы жер учаскесінің, ғимараттың, жолдың немесе басқа да обьектінің орналасқан жері анықталады.

Аталған күндер аралығында жер кадастрына, жылжымайтын мүлікті техникалық тексеруге және жылжымайтын мүлікке құқықтарды тіркеуге қатысты мемлекеттік қызметтерге өтініш қабылданбайтынын ескерген жөн. Бұл ретте, жылжымайтын мүлікке құқықтарды тіркеу саласындағы электрондық анықтамаларды цифрлық сервистер арқылы алу мүмкіндігі сақталады.

Алдағы өзгерістерге байланысты «Азаматтарға арналған үкімет» Мемлекеттік корпорациясы азаматтар мен ұйымдарға қажетті мемлекеттік қызметтерді алуды алдын ала жоспарлауды ұсынады. Техникалық жұмыстар аяқталғаннан кейін цифрлық сервистер әдеттегі тәртіпте жұмысын жалғастырады.

 

Құрылыс, сәулет және қала құрылысы бөлімі
Кәсіпкерлік бөлімі
22 октября 2026
АУДАНДА ӨНДІРІСТІК ПАРКТІҢ ЕКІНШІ КЕЗЕҢІ ЖҮЗЕГЕ АСЫРЫЛУДА
АУДАНДА ӨНДІРІСТІК ПАРКТІҢ ЕКІНШІ КЕЗЕҢІ ЖҮЗЕГЕ АСЫРЫЛУДА
 
Аудан экономикасын нығайтып, жергілікті өндірісті дамыту – жаңа жұмыс орындарын ашудың және халықтың әл-ауқатын жақсартудың маңызды тетігі. Бұл бағыттағы жұмыстардың бірі – Асықата кентінде қолға алынған шағын өндірістік парктер алаңы. Аудан әкімі Серік Үсенұлы Мамытов жұмыс жоспарына сәйкес өндірістік алаңға барып, жобаның екінші кезеңінде атқарылып жатқан жұмыстармен танысты.
 
Жалпы аумағы 1 гектарды құрайтын өндірістік парктің бұл кезеңінде инвесторлар есебінен 650 млн теңге көлемінде қаражат салынып, бес шағын цехтың жұмысы жолға қойылады. Жаңа кәсіпорындар азық-түлік өндірісін кеңейтіп қана қоймай, тұрғындарды тұрақты жұмыспен қамтуға да серпін бермек.
 
Атап айтқанда, мұнда макарон өнімдерін шығаратын цех, наубайхана, сүт өндіру және консервілеу цехтары, жемістер мен көкөністерді сублимациялық әдіспен кептіретін өндіріс орны ашылады. Бұл бағыттар күнделікті сұранысқа ие өнімдерді жергілікті жерде өндіруге, отандық өнім көлемін арттыруға және кәсіпкерліктің дамуына ықпал етеді.
 
Ағымдағы жылдың тамыз айында басталған құрылыс жұмыстары жоспарға сәйкес жыл соңында аяқталып, 90-ға тарта тұрғын тұрақты жұмыспен қамтылады деп күтілуде. Бұл – кент тұрғындары үшін жаңа еңбек мүмкіндігі болса, аудан үшін экономикалық белсенділікті арттыруға бағытталған нақты қадам.
 
Айта кетейік, өндірістік парктің алғашқы кезеңінде жалпы құны 210 млн теңгені құрайтын түйіршіктелген құрама жем өндіру, темір бұйымдарын дәнекерлеу, құрғақ құрылыс қоспаларын шығару, құрғақ және сұйық ұнтақтар, кір сабын мен сусабын өндіру, әжетхана қағазы мен майлықтар жасау жобалары жүзеге асырылған болатын.
 
Жетісай ауданы әкімдігінің баспасөз қызметі
21 октября 2026
АТА-АНАЛАР ЖИНАЛЫСЫНДА БАЛА ТӘРБИЕСІНЕ ҚАТЫСТЫ ЖҰМЫСТАР ПЫСЫҚТАЛДЫ
АТА-АНАЛАР ЖИНАЛЫСЫНДА БАЛА ТӘРБИЕСІНЕ ҚАТЫСТЫ ЖҰМЫСТАР ПЫСЫҚТАЛДЫ
 
Бүгінгі қоғамның алдында тұрған басты міндеттердің бірі – балалар мен жасөспірімдер арасындағы құқықбұзушылықтың, зорлық-зомбылық алдын-алу, кәмелетке толмағандар арасындағы қылмыстың өсуіне жол бермеу. Осы орайда Қарақай ауылдық округінің Қ.Сәтпаев мәдениет және спорт кешенінде алқалы жиын болып өтті.
 
Аталмыш мәжіліске аудан әкімінің орынбасары Серік Пірімбеков пен аудан прокурорының орынбасары Мақсат Жүсіпбай, аудандық білім бөлімінің басшысы Толқын Айгенжиева, ювиналды полиция инспекторлары мен қоғамдық ұйым өкілдері, мектеп директорлары мен ата-аналар қатысты.
 
Еркін форматта өткен форум барысында Серік Қонысбекұлы мен аудан прокурорының орынбасары Мақсат Жүсіпбай балалар мен жасөспірімдер, жастар арасында және оларға қарсы жасалатын қылмыс пен құқық бұзушылыққа, кемсітушілікке жол бермеу, әлеуметтік желі арқылы буллинг жасамау, адамның қадір-қасиетіне тиіспеу, мемлекеттік қолдаулар мен мүмкіндіктерді тиімді пайдаланып сапалы білім алу мәселелеріне тоқталды.
 
«Кәмелетке толмаған жасөспірімдер құқық бұзушылығының алдын алуды тікелей, не жанама көздейтін құқықтық актілердің жүзеге асуын аға буын қамтамасыз етуге тиіспіз.
Бүгінгі жиын тек формальды түрде ғана емес, сіз бен біздің ашық пікір алмасуымыздан тұруы тиіс.
Заман көшіне ілесіп өмір сүру үшін тынымсыз ізденіс пен білім керек. Өйткені, біз өмір сүріп отырған қоғам – үнемі үдерістер мен технологиялар қоғамы» деген аудан әкімінің орынбасары білім мен ғылымның адам өміріндегі маңызын айтты.
 
Жиын барысында қатысушылар тарапынан ұсыныс-пікірлер, күрмеуі қиын мәселелердің шешілу жолдары талқыланды. Алдағы атқарылар жұмыстардың барысы сараланып, ұлт болашағының тәрбие жұмыстарының сапасына көңіл бөлуді күшейту керектігі айтылды.
 
Жетісай ауданы әкімдігінің баспасөз қызметі
21 октября 2026
АУДАН ӘКІМІ АСЫҚАТА КЕНТІНІҢ ТАЗАЛЫҒЫН ТЕКСЕРДІ
АУДАН ӘКІМІ АСЫҚАТА КЕНТІНІҢ ТАЗАЛЫҒЫН ТЕКСЕРДІ
 
Аудан аумағында жүргізіліп жатқан абаттандыру, санитарлық тазалық жұмыстарының барысын бақылауды күн тәртібінен түсірмейтін аудан басшысы Серік Үсенұлы Мамытов Асықата кентінде болып, «Таза Қазақстан» бағдарламасы аясында атқарылып жатқан жұмыстарға зерделеу жүргізді.
 
Алдымен аудан әкімі кентке кіре беріс жол жиегінде құрылысқа арналған тас-құм сатушы нысандардың иелерімен тілдесіп, заңсыз сауда-саттықпен айналыспауды түсіндірді. Сонан соң, Әл-Фараби көшесін жаяу аралап, мейрамханалар мен кафелердің, көліктерге қызмет көрсету орындарының тазалықтарын көрді. Кентте есепке алынған 187 кәсіпкерлік нысанның 40-қа жуығы дәл осы көше бойында орналасса, оның 19-ы К-16-18 каналының үстіне салынған.
 
Кей кәсіпкерлердің қоқыс жинаушы мекемелермен келісім-шартқа тұрмауының салдарынан тұтынған қатты тұрмыстық қалдықтары каналға тасталған. Оған қоса, «ҚазСуШар» РМК ТОФ Жетісай бөлімшесі тарапынан аталмыш каналдың уақытылы тазаланбауы қоқыстың көптеп жиналуына әкеліп соққан.
 
Көлік қозғалысы толастамайтын автомобиль жолы бойындағы заңсыз сауда жасаушылар мен қызыл сызықты сақтамаған құрылыс нысандарының иелерімен тілдесіп, түсіндірме жұмыстарын жүргізген аудан әкімі көлік пен тұрғындардың жүріп-тұруына кедергі келтіріп тұрған көлік жөндеу және қоғамдық тамақтану орындарының басшыларына кәсіптерінің қоршаған ортаға зиянын тигізбеуі керектігін ескертті.
 
Кент әкіміне ішкі көшелер мен демалыс аймақтарындағы, базар маңындағы және тұрғындар жиі жүретін көпшілік орындардағы тазалық жұмыстарының кестеден кешікпей жүргізілуін қадағалауды тапсырды.
 
Жетісай ауданы әкімдігінің баспасөз қызметі
Тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі
21 октября 2026
ТҰРҒЫНДАРДЫҢ ӨТІНІШІ ОРЫНДАЛДЫ
ТҰРҒЫНДАРДЫҢ ӨТІНІШІ ОРЫНДАЛДЫ
 
Өткен айда аудан әкімі Серік Үсенұлы Мамытовтың тұрғындармен өткен есептік кездесуінде айтылған облыстық маңызы бар КХ-75 «Мақталы – Асықата» автомобиль жолының 31+500 шақырым бөлігіне асфальт төсеу мәселесі бүгін оң шешімін тапты.
 
Бұған дейін автомобиль жолының аталмыш бөлігінде толассыз жауған жауынның салдарынан орын алған лай көшкініне байланысты жөндеу-қалпына келтіру жұмыстары жүргізіліп, жол жиегін бекіту және қауіпсіздік талаптарын сақтау мәселелері жүзеге асырылған болатын. Мемлекет есебінен асфальттау жұмыстарын жүргізу ұзақ мерзімді талап ететіндіктен бұл іске кәсіпкерлер жұмылдырылып отыр.
 
Аудан басшысының ұйымдастыруымен аудан аумағында мемлекеттік тапсырыс аясында бірнеше нысанды талапқа сай тапсырған «EL-KZ 2020» ЖШС мекемесінің басшысы Исатай Аташовтың демеушілігімен орта жөндеу жұмыстары жүргізілді.
 
Жетісай ауданы әкімдігінің баспасөз қызметі
Мәдениет, тілдерді дамыту, дене шынықтыру және спорт бөлімі
19 октября 2026
ТАЭКВАНДОДАН АУДАННЫҢ АШЫҚ БІРІНШІЛІГІ ӨТТІ
ТАЭКВАНДОДАН АУДАННЫҢ АШЫҚ БІРІНШІЛІГІ ӨТТІ
 
Жетісай ауданының мәдениет, тілдерді дамыту, дене шынықтыру және спорт бөлімінің «Жетісай спорт клубы» мекемесінің ұйымдастыруымен 25 қазан – Республика күні мерекесіне орай
«Салауатты ұлт – салауатты ұрпақ» ұранымен таэквандодан (WT) ауданның ашық біріншілігі өтті.
 
Жастар, балалар мен жасөспірімдер арасында өткен турнирдің ашылу салтанатына Түркістан облысы таэквандо (WT) федерациясының президенті Елдос Ахметов пен «Тұран Орда» жауынгерлік клубының директоры, жекпе-жек федерациясының президенті Ернұр Тулебаев, аудандық мәдениет, тілдерді дамыту, дене шынықтыру және спорт бөлімінің басшысы Еркебұлан Сейдалиев қатысты.
 
Жетісай өңірінде бұқаралық спортты дамыту, жасөспірімдердің салауатты өмір салтын қалыптастыру және достық қарым-қатынасты нығайту мақсатында өткен турнирде сөз алған қонақтар жас спортшыларға сәттілік тілеп, мұндай жарыстардың жас буынның спортқа деген қызығушылығын арттыруда, тәртіп пен төзімділікке тәрбиелеуде маңызы зор екенін атап өтті.
Сонымен қатар, ел болашағы саналатын жастардың дені сау, рухы мықты болып қалыптасуына спорттың қосар үлесі ерекше екеніне тоқталды.
 
«Соңғы жылдары қарқынды дамып келе жатқан спорт түрлерінің бірі саналатын таэквандо бойынша өткен бұл турнир – бұқаралық сипат алып, жастар арасында кеңінен таралуына ықпал етеді. Сонымен қатар, мұндай жарыстар өңір спортының дамуына серпін беріп, халықаралық деңгейде ел намысын қорғайтын чемпиондарды дайындауға жол ашады» дейді Түркістан облысы таэквандо (WT) федерациясының президенті Елдос Ахметов.
 
Салауатты өмір салтын насихаттап, жас спортшылардың шеберлігін шыңдауға үлкен мүмкіндік берген дүбірлі додаға облыстың қала-аудандарынан келген 12 командада 100-ден астам спортшы қатысып, өзара мықтыларды анықтады. Әр салмақ және жас ерекшеліктері бойынша өткен белдесулерде қатысушылар жоғары дайындықтарын, тактикалық шеберліктері мен төзімділіктерін көрсетіп, батылдықтарымен көзге түсті. Тартысқа толы кездесулер көрермендерге ерекше әсер қалдырды.
 
Жарыс қорытындысы бойынша жеңімпаздар мен жүлдегерлер ұйымдастырушылар тарапынан тағайындалған дипломдармен, медальдармен және арнайы кубоктармен марапатталды.
 
Жетісай ауданы әкімдігінің баспасөз қызметі
Ішкі саясат
Мәдениет, тілдерді дамыту, дене шынықтыру және спорт бөлімі
19 октября 2026
ЖЕТІСАЙЛЫҚ ИМАМДАР АРАСЫНДА ТУРНИР ӨТТІ
ЖЕТІСАЙЛЫҚ ИМАМДАР АРАСЫНДА ТУРНИР ӨТТІ
 
Жетісай аудандық ішкі саясат бөлімі мен аудандық «Нұғман» орталық мешітінің ұйымдастыруымен «Рухани келісім – тұрақтылықтың іргетасы» атты имамдар арасында кіші футболдан турнир болып өтті.
 
Аталмыш спорттық додаға ауданға қарасты қала, кент, барлық ауылдық округтердің мешіттерінен жасақталған командалар қатысып, өзара сынасты. Командалар өздерінің тек мешіт пен дін ісінің төңірегінде ғана емес, салауатты өмір салтын ұстанған кәнігі спортшы екендіктерін дәлелдеп бақты.
 
Тартысты өткен ойынның қорытындысы бойынша өзгелерден оқ бойы озық шыққан командалар арасында ІІІ орын «Ар-Рахман» командасына бұйырса, ІІ орынға «Барыс» командасының имамдары табан тіреді. Жүлделі І орынды «Жеңіс» командасының имамдары қанжығаларына байлады.
 
Сонымен қатар, турнир барысында үздік ойын көрсеткен Ж.Туребеков «Үздік шабуылшы» атанса, А.Айдарбеков «Үздік шабуылшы», А.Нурматов «Үздік қорғаушы» номинациясына ие болды.
 
Сайыс соңында жүлделі орынға ие болған командалар мен түрлі номинация иеленген жекелеген ойыншыларға, аудандағы дін саласында нәтижелі қызмет етіп жүрген имамдарға аудандық ішкі саясат бөлімінің бас маманы Бекарыс Әбілдаев пен ауданның бас имамы Бағдат Шаймерден аудан әкімінің дипломдары мен алғыс хаттарын, бағалы заттай сыйлықтарын табыс етті.
Жетісай ауданы әкімдігінің баспасөз қызметі
Тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі
19 октября 2026
«ТАЗА ҚАЗАҚСТАН» ЖАЛПЫХАЛЫҚТЫҚ ІС-ШАРАСЫ АЯСЫНДА ЖЕТІСАЙДА «ТАЗА АРЫҚ – ТАЗА ТІРШІЛІК КҮНІ» АКЦИЯСЫ ӨТТІ
«ТАЗА ҚАЗАҚСТАН» ЖАЛПЫХАЛЫҚТЫҚ ІС-ШАРАСЫ АЯСЫНДА ЖЕТІСАЙДА «ТАЗА АРЫҚ – ТАЗА ТІРШІЛІК КҮНІ» АКЦИЯСЫ ӨТТІ
 
Тазалық – тәртіптің бастауы, туған жерге деген құрметтің белгісі. Осы ұстанымды ту еткен Жетісай ауданында «Таза Қазақстан» жалпыхалықтық экологиялық шарасы аясында «Таза арық – Таза тіршілік күні» акциясы ұйымдастырылды. Қоршаған ортаны қорғау, елді мекендердің тазалығын сақтау арқылы туған жердің көркеюіне үлес қосу мақсатында ұйымдастырылған акцияға ауданның барлық мемлекеттік және квазимемлекеттік мекемелерінен, денсаулық сақтау және білім беру ұйымдарынан, кәсіпкерлік нысандары мен тазалық жанашырларынан 4 мыңға тарта адам қатысты.
 
Аудан әкімі Серік Үсенұлы Мамытовтың қатысуымен өткен экологиялық акция барысында қала мен кенттегі, ауылдық округтердегі арық-атыздар, су қашырту жүйелері күл-қоқыстан тазартылып, бүлінген және қираған қоршаулар қалпына келтірілді.
 
Елді мекендердің санитарлық жағдайын жақсартуға бағытталған жұмыстар жүргізіліп, жол-көлік апаттарының алдын алу мақсатында ішкі және ауданаралық, облыстық және республикалық маңызы бар жолдардың бойларындағы шөптер шабылды. Жиналған қалдықтар белгіленген орындарға шығарылды.
 
«Бүгінде жалпыхалықтық деңгейде қолдау тауып, жүзеге асырылып жатқан «Таза Қазақстан» шарасы – әрбір азаматтың қоршаған ортаға деген жауапкершілігін арттыратын маңызды қозғалыс.
 
Туған жердің тазалығы мен табиғаттың тұнықтығы – баршамызға ортақ құндылық болғандықтан тазалықты сақтау күнделікті өмір салтымызға айналуы тиіс. Өйткені, ауданымыздың тазалығы – тұрғындарымыздың ортақ еңбегінің, жауапкершілігі мен туған жерге деген жанашырлығының айқын көрінісі» дейді Серік Үсенұлы.
 
Жетісай ауданы әкімдігінің баспасөз қызметі
Мәдениет, тілдерді дамыту, дене шынықтыру және спорт бөлімі
16 октября 2026
КӨКПАРШЫЛАРМЕН КЕЛЕЛІ КЕҢЕС ӨТТІ
КӨКПАРШЫЛАРМЕН КЕЛЕЛІ КЕҢЕС ӨТТІ
 
«Ерте кезден-ақ азаматы мен қазанаты қатар сыналатын көкпар аламанын бүгінде кім қалай өткізіп жүр? Көрермендер мен қатысушылардың қауіпсіздігі сақталған ба? Ұлттық ат спортының бүгінгі жай-күйі мен дамуы қандай?» деген сұрақтар төңірегіндегі ұсыныс-пікірлерді кеңінен талқылау, жаппай көкпар мен командалық көкпардың ережелерін түсіндіру, көкпарды арнайы, заңды белгіленген жерлерде өткізу, қоғамдық тәртіпті сақтау мақсатында өткен жиынға аудан әкімінің орынбасары Серік Пірімбеков пен аудандық мәдениет, тілдерді дамыту, дене шынықтыру және спорт бөлімінің басшысы Еркебұлан Сейдалиев, «Ұлттық спорт клубы» мекемесінің басшысы Ерлан Райымбердиев пен «Командалық көкпар» федерациясы Жетісай аудандық филиалының төрағасы Сабыр Айбеков, ардагер шабандоздар мен атбегілер, қала, кент, ауылдық округ әкімдері мен көкпар төрешілері қатысты.
 
Алқалы жиында жауаптылар тарапынан аудан аумағында көкпар өткізу үшін Жаңа ауыл ауылдық округі аумағындағы «Жексенбай ата», Қызылқұм ауылдық округі аумағындағы «Қарасақал», Атамекен ауылдық округі аумағындағы «Шора молда» және Мақталы ауылдық округі аумағындағы көкпар алаңдары белгіленгенін, әрбір ат шаптырып, көкпар беруші азаматтар жергілікті әкімдіктерден келісім алулары керек екенін ескертті. Көкпар берушіге алаңның тазалығын сақтау міндеттелді. Қатысушылар ұлттық спорттың дәстүрлі сипатын сақтай отырып, оны ұйымдастыру мәдениетін жетілдіру қажеттігін атап өтті. Бұл талаптар көкпар додаларының ретімен өтуіне, қоршаған ортаның тазалығына және қоғамдық тәртіптің сақталуына бағытталған.
 
Қатысушылар тарапынан атшабарлардың санын көбейту, көкпар алаңының тазалығы мен күтімін, қауіпсіздік шараларын бірігіп атқару ұсыныстары айтылды. Көкпар маусымының басталуына бата жасасып, елдің ынтымағы мен бірлігін тілеп тарқасты.
 
Жетісай ауданы әкімдігінің баспасөз қызметі
Социальные сети
Меню подвал
ҚР Президентінің жолдаулары
ҚР Президентінің сайты
ҚР Премьер-Министрінің сайты
Цифрлық трансформация тұжырымдамасы
Өмірлік жағдайлар
ҚР Мемлекеттік рәміздері
Терминдер мен қысқартулар
ҚР Президенті жанындағы Орталық коммуникациялар қызметі
Экран дикторы
Жасанды интеллектті дамытудың 2024 – 2029 жылдарға арналған тұжырымдамасы