Жетісай ауданы бойынша пайдаланылмайтын ауыл шаруашылығы мақсатындағы жерлерге жер салығының базалық мөлшерлемелерін арттыру туралы
"Салық және бюджетке төленетін басқа да міндетті төлемдер туралы" (Салық кодексі) Қазақстан Республикасы Кодексінің 509 бабының 5 тармағына, «Құқықтық актілер туралы» Қазақстан Республикасының Заңының 65 бабының 3 тармағына сәйкес, Жетісай аудандық мәслихаты ШЕШТІ:
- Жетісай ауданы бойынша пайдаланылмайтын ауыл шаруашылығы мақсатындағы жерлерге жер салығының базалық мөлшерлемелері жиырма есеге арттырылсын.
- Жетісай аудандық мәслихатының «Жетісай ауданының аумағында пайдаланылмайтын ауыл шаруашылығы мақсатындағы жерге жер салығының базалық мөлшерлемелерін арттыру туралы» 2020 жылғы 25 қарашадағы №38-201-VI (Нормативтік құқықтық актілерді мемлекеттік тіркеу тізілімінде №5924 болып тіркелген) шешімінің күші жойылды деп танылсын.
- Осы шешім 2022 жылдың 1 қаңтарынан бастап қолданысқа енгізіледі.
Жетісай аудандық
мәслихатының хатшысы А.Утанов