Азық-түлік және өнеркәсіптік тауарлар өндірісін дамыту - мемлекеттің бірінші кезектегі міндеттерінің бірі. 2019 жылдың басынан бастап «Қарапайым заттар экономикасы» мемлекеттік бағдарламасы жүзеге асырылуда, мұнда бағдарламаның негізгі міндеті импортталатын әлеуметтік маңызы бар азық-түлік тауарлары мен қызметтерін жергілікті тауарларға ауыстыру болып табылады.
Бағдарлама негізгі 3 бағытта жұмыс істейді: агроөнеркәсіптік кешендегі өндіріс, агроөнеркәсіптік кешенді қайта өңдеу және өңдеу өнеркәсібі. Екінші және үшінші бағыттарда «Даму» қоры несиелерді тікелей субсидиялайды және кепілдендіреді. «Қарапайым заттар экономикасы» бағдарламасының басты айырмашылығы - онда 10 жылға дейін ұзақ мерзімді қаржыландыру және мемлекеттен субсидиялар қарастырылған, соның арқасында кәсіпкер 6% жеңілдік мөлшерлемесін алады. Кәсіпкерлер сонымен бірге айналым қаражатын толтыру үшін қаржыландыруды - 3 жылға дейінгі мерзімге ала алады. Сыйақы ставкасы 15% -дан аспайды, оның 9% -ын мемлекет субсидиялайды, бұл клиент үшін пайыз мөлшерлемесін 6%-ға дейін төмендетуге мүмкіндік береді. Бұл компанияға жүктемені айтарлықтай төмендетуді білдіреді. Тағы бір плюс - бір кәсіпкерге несие сомасы мөлшерінде шектеулер жоқ.
Несиелеу мақсаты: 1) 100% инвестициялық міндеттер: жұмыс орнын сақтау / ұлғайту немесе табысты көзін - 3 (үш) қаржы жылынан кейін 10% -ға арттыру;
2) қарыз алушының бір жобасы шеңберінде инвестициялық мақсаттарға және айналым қаражатына 50% -дан аспайтын мөлшерде толықтыруға: жұмыс орындарын және / немесе салық төлемдерін және / немесе өндіріс көлемін (ақшалай түрде) сақтау / көбейту және / немесе кірісті 10% ұлғайту жұмыс органы / қаржы агенттігі субсидиялар және / немесе кепілдіктер беру туралы шешім қабылдаған күннен бастап 2 (екі) қаржы жылынан кейін;
3) айналым капиталын 100% толықтыру: жұмыс орнын / қаржы агенттігінің шешімі қабылданған күннен бастап 1 (бір) жыл қорытындысы бойынша жұмыс орындарының сақталуы / өсуі және / немесе салық төлемдері, өндіріс көлемінің ұлғаюы (ақшалай түрде) және табыстың 10% өсуі;
4) көктемгі дала және / немесе жинау жұмыстарын жүргізуге: жұмыс орындарын сақтау / көбейту және физикалық көлем индексінің деңгейін сақтау.
«Кепілзат жеткіліксіз болған жағдайда, «Даму» Қоры 3 миллиард теңгеге дейінгі несие үшін несие сомасының 50 пайызына, 3 миллиард теңгеден 5 миллиард теңгеге дейінгі несие үшін несие сомасының 30 пайызына кепілдік береді» - деп бөлісті «Даму» кәсіпкерлікті дамыту қоры» АҚ Шымкент және Түркістан облысы бойынша филиалының аймақтық директоры Алмас Тастанов.
«Даму» Қорының субсидиялауға және несиелік кепілдікке өтінімдері «Электрондық үкімет» (E-gov) және «Онлайн Даму» платформалары арқылы онлайн режимінде қаралады.
Осы бағдарлама туралы және басқа мемлекеттік кәсіпкерлікті қолдау бағдарламалары туралы толық ақпаратты damu.kz веб-сайтынан және Шымкент қ. Қонаев даң.,95/1. Тел. +7 (7252) 99-70-49 алуға болады.