Түлкібас аудандық аумақтық сайлау комиссиясының
2024 жылғы 16 қазандағы № 65 қаулысы
Түлкібас ауданы Рысқұлов ауылдық
округі әкімі сайлауын тағайындау туралы
«Қазақстан Республикасындағы сайлау туралы» Қазақстан Республикасының Конституциялық заңының 113-1 бабына сәйкес, Түлкібас аудандық аумақтық сайлау комиссиясы ҚАУЛЫ ЕТЕДІ:
- Рысқұлов ауылдық округі әкімінің заңда белгіленген өкілеттік мерзімінің аяқталуына байланысты, Түлкібас ауданы Рысқұлов ауылдық округі әкімінің сайлауы 2024 жылғы 24-қарашаға тағайындалсын.
- 2024 жылғы 24-қарашаға тағайындалған Рысқұлов ауылдық округі әкімі сайлауын әзірлеу мен өткізу жөніндегі негізгі іс-шаралардың күнтізбелік жоспары осы қаулының қосымшасына сәйкес бекітілсін.
- Осы қаулы жергілікті бұқаралық ақпараттар құралдарында және Түлкібас аудандық аумақтық сайлау комиссиясының интернет-беттерінде жариялансын.
Түлкібас аудандық аумақтық
сайлау комиссиясының төрағасы Е.Каратаев
Түлкібас аудандық аумақтық
сайлау комиссиясының хатшысы С.Тлеубеков