Қазақстан Республикасы Экологиялық кодексінің 365-бабы 4-тармағының 6) тармақшасына және «Коммуналдық қалдықтардың түзілу және жинақталу нормаларын есептеудің үлгілік қағидаларын бекіту туралы» Қазақстан Республикасы Экология, геология және табиғи ресурстар министрінің 2021 жылғы 1 қыркүйектегі № 347 бұйрығына сәйкес, Түлкібас ауданының әкімдігі ҚАУЛЫ ЕТЕДІ:
- Осы қаулыға қоса беріліп отырған Түлкібас ауданы бойынша коммуналдық қалдықтардың түзілу және жинақталу нормаларын есептеу бекітілсін.
- «Түлкібас аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесі, Қазақстан Республикасының заңнамасында белгіленген тәртіпте, осы қаулыны ресми жариялағаннан кейін оның Түлкібас ауданы әкімдігінің интернет-ресурсында орналастырылуын қамтамасыз етсін.
- Осы қаулының орындалуын бақылау Түлкібас ауданы әкімінің жетекшілік ететін орынбасарына жүктелсін.
- Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Аудан әкімі Н.Байғұт