"Түлкібас ауданының Састөбе, Түлкібас, Т. Рысқұлов және Майтөбе елді мекендердегі бірыңғай сәулеттік келбет беруге бағытталған көп пәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және өткізу қағидаларын бекіту туралы"

 

"Тұрғын үй қатынастары туралы" Қазақстан Республикасы Заңының 10-3-бабы 2-тармағының 11) тармақшасына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 31-бабы 1-тармағының 16-5) тармақшасына сәйкес, Түлкібас  ауданының әкімдігі ҚАУЛЫ ЕТЕДІ:         

1. Қоса беріліп отырған Түлкібас ауданының, Састөбе, Түлкібас, Т. Рысқұлов және Майтөбе  елді мекендерінің бірыңғай сәулет келбетін беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидалары бекітілсін.
2. «Түркістан облысы Түлкібас ауданы әкімінің аппараты» коммуналдық мемлекеттік мекемесі Қазақстан Республикасының заңнамасында белгіленген тәртіппен:

1) осы қаулыны Қазақстан Республикасының Әділет министрлігінде мемлекеттік тіркелуін;

2) осы қаулыны Қазығұрт ауданы әкімдігінің интернет-ресурсына орналастырылуын қамтамасыз етсін.

3. Осы қаулының орындалуын бақылау Түркістан облысы Түлкібас ауданы әкімінің орынбасары М. С. Жанесенге жүктелсін.
4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.  

 

 

Түлкібас  ауданының әкімі                                      Н. Байғұт                              

    

Түлкібас ауданы әкімдігінің 20____ жылғы _______________ № ___________ қаулысымен бекітілген

Түлкібас ауданының, Састөбе, Түлкібас, Т. Рысқұлов және Майтөбе елді мекендерінің  бірыңғай сәулет келбетін беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидалары

1-тарау. Жалпы ережелер

1. Осы Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидалары (бұдан әрі – Қағидалар) "Тұрғын үй қатынастары туралы" Қазақстан Республикасы Заңының 10-3-бабы 2-тармағының 11) тармақшасына (бұдан әрі – Заң) және өзге де нормативтік құқықтық актілерге сәйкес әзірленді және Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу тәртібін айқындайды.
2. Осы Қағидаларда келесі негізгі ұғымдар қолданылады:

      1) бірыңғай сәулет келбеті (бірыңғай сәулеттік стиль) – құрылыста пайдаланылатын, аумақтың белгілі бір құрылыс салу ауданына тән бірыңғай белгілер жиынтығы. Сыртқы көркі, сәулеттік стилі, түсі бойынша шешімі, қабаттылығы, әрлеу материалдары негізгі өлшемдер болып табылады;

      2) кондоминиум объектісі – дара (бөлек) меншіктегі пәтерлерден, тұрғын емес үй-жайлардан және дара (бөлек) меншікте болмайтын және пәтерлердің, тұрғын емес үй-жайлардың меншік иелеріне көппәтерлі тұрғын үй тұрған біртұтас бөлінбейтін жер учаскесін және (немесе) үй жанындағы жер учаскесін қоса алғанда, ортақ үлестік меншік құқығымен тиесілі ортақ мүліктен тұратын біртұтас мүліктік кешен;

      3) кондоминиум объектісінің ортақ мүлкі – дара (бөлек) меншіктегі пәтерлерден, тұрғын емес үй-жайлардан басқа, кондоминиум объектісінің бөліктері (қасбеттер, кіреберістер, вестибюльдер, холдар, дәліздер, баспалдақ марштары мен баспалдақ алаңдары, лифтілер, шатырлар, шатырастылар, техникалық қабаттар, жертөлелер, үйге ортақ инженерлік жүйелер мен жабдықтар, абоненттік пошта жәшіктері, көппәтерлі тұрғын үй тұрған жер учаскесі және (немесе) үй жанындағы жер учаскесі, абаттандыру элементтері және ортақ пайдаланылатын басқа да мүлік);

      4) кондоминиум объектісінің ортақ мүлкін ағымдағы жөндеу – мерзімінен бұрын тозуын болғызбау және ақауларын жою мақсатында жүргізілетін, көппәтерлі тұрғын үйдің нормативтік және техникалық құжаттамада белгіленген құрама бөліктері мен инженерлік жабдықтарын ауыстыру немесе қалпына келтіру жөніндегі уақтылы техникалық іс-шаралар мен жұмыстар кешені;

      5) кондоминиум объектісінің ортақ мүлкін күрделі жөндеу – көппәтерлі тұрғын үйдің ресурсын қалпына келтіру мақсатында жүргізілетін, көппәтерлі тұрғын үйдің тозған конструкцияларын, бөлшектерін және инженерлік жабдықтарын жаңа немесе анағұрлым мықты және үнемді, жөнделетін объектілердің пайдалану көрсеткіштерін жақсартатын түрлеріне ауыстыру жөніндегі іс-шаралар мен жұмыстар кешені;

      6) кондоминиум объектісінің ортақ мүлкін күтіп-ұстау – кондоминиум объектісінің ортақ мүлкін техникалық пайдалану, санитариялық күтіп-ұстау және ағымдағы жөндеу бойынша жұмыстар немесе көрсетілетін қызметтер кешені;

      7) көппәтерлі тұрғын үй – ортақ үлестік меншік болып табылатын кондоминиум объектісінің ортақ мүлкінен және көппәтерлі тұрғын үйге іргелес жатқан жер учаскесіне не кондоминиум объектісі ортақ мүлкінің өзге де бөліктеріне дербес шығатын жерлері бар екі және одан көп пәтерлерден, тұрғын емес үй-жайлардан тұратын, біртұтас бөлінбейтін жер учаскесінде біртұтас іргетасы бар жеке тұрған ғимарат;

      8) көппәтерлі тұрғын үй кондоминиумы (бұдан әрі – кондоминиум) – Қазақстан Республикасының заңнамасында айқындалған тәртіппен тіркелген меншік нысаны, бұл ретте пәтерлер, тұрғын емес үй-жайлар дара (бөлек) меншікте болады, ал дара (бөлек) меншікте емес бөліктер пәтерлердің, тұрғын емес үй-жайлардың меншік иелеріне көппәтерлі тұрғын үй тұрған біртұтас бөлінбейтін жер учаскесін және (немесе) үй жанындағы жер учаскесін қоса алғанда, ортақ үлестік меншік құқығымен тиесілі болады;

      9) көппәтерлі тұрғын үй пәтерлері, тұрғын емес үй-жайлары меншік иелерінің жиналысы (бұдан әрі – жиналыс) – пәтерлер, тұрғын емес үй-жайлар меншік иелерінің кондоминиум объектісін басқаруға және кондоминиум объектісінің ортақ мүлкін күтіп-ұстауға байланысты шешімдерді ұжымдық талқылауын және дауыс беру арқылы қабылдауын қамтамасыз ететін кондоминиум объектісін басқарудың жоғары органы;

      10) нобай (нобайлық жоба) – жобалық (жоспарлық, кеңiстiктiк, сәулеттiк, технологиялық, конструкциялық, инженерлiк, әшекейлiк немесе басқа) шешiмнiң оңайлатылған, схема, сызба, бастапқы сұлба (сурет) нысанында орындалған және осы шешiмнiң түпкi ойын түсiндiретiн түрi.

 2-тарау. Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру тәртібі

3. "Түлкібас аудандық құрылыс, сәулет және қала құрылысы бөлімі" коммуналдық мемлекеттік мекемесі Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетінің нобайын әзірлеуді ұйымдастырады.
4. Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетінің нобайын Түлкібас ауданының әкімдігі бекітеді.
5. Ауыл, кент әкімдері Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетінің нобайы бекітілгеннен кейін бір айдан аспайтын мерзімде мынадай жұмыстарды ұйымдастырады:

      1) Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетінің бекітілген нобайымен көппәтерлі тұрғын үйлердің пәтерлері мен тұрғын емес үй-жайларының (олар болған жағдайда) меншік иелерін таныстыру;

      2) көппәтерлі тұрғын үйлердің пәтерлері мен тұрғын емес үй-жайларының (олар болған жағдайда) меншік иелерін жоспарланатын жұмыстар және оларды жүргізудің болжамды мерзімдері туралы хабардар ету;

      3) көппәтерлі тұрғын үйлердің қасбеттерін, шатырларын ағымдағы немесе күрделі жөндеу жүргізуге келісім беру немесе келіспеу туралы шешімдер қабылдау үшін жиналыстарды ұйымдастыру.

6. Жиналыстар Қазақстан Республикасының тұрғын үй қатынастары саласындағы заңнамасына сәйкес көппәтерлі тұрғын үйлердің қасбеттеріне, шатырларына ағымдағы немесе күрделі жөндеу жүргізуге келісу немесе келіспеу туралы шешім қабылдайды.

      Қажет болған жағдайда жиналыстар шексіз рет, сондай-ақ Түлкібас ауданының, Түлкібас ауданының, Састөбе, Түлкібас, Т. Рысқұлов және Майтөбе елді мекендеріне бірыңғай сәулет келбетін беруге мүдделі мамандар мен өзге де тұлғаларды шақырыла отырып өткізілуі мүмкін.

7. Жиналыста теріс шешім қабылданған жағдайда, Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған осы көппәтерлі тұрғын үйдің қасбетін, шатырын ағымдағы немесе күрделі жөндеу бойынша жұмыстар жүргізілмейді.

 3-тарау. Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды жүргізу тәртібі

8. Жиналыстың оң шешімі қабылданған жағдайда "Түлкібас аудандық тұрғын үй-коммуналдық шаруашылық, жолаушылар көлігі, автомобиль жолдары бөлімі" коммуналдық мемлекеттік мекемесі (бұдан әрі – Бөлім) құрылыс нормаларының талаптарына сәйкес, Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған жұмыстардың құрамы мен көлемін белгілеу, қасбетін, шатырын жөндеу (ағымдағы немесе күрделі) түрін айқындау үшін әрбір көппәтерлі тұрғын үйдің техникалық жай-күйін тексеруді ұйымдастырады.

      Көппәтерлі тұрғын үйдің техникалық жағдайын тексеру табиғи тозу дәрежесін белгілеу мақсатында орындалады.

9. Көппәтерлі тұрғын үйдің техникалық жай-күйін тексеру қорытындылары бойынша Бөлім ағымдағы жөндеудің сметалық есебін немесе тиісті жобалар бойынша сараптама қорытындысын ала отырып, күрделі жөндеуге жобалау-сметалық құжаттаманы әзірлеу жөніндегі жұмысты ұйымдастырады.
10. Бірінші кезекте Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шаралар табиғи тозу дәрежесі неғұрлым жоғары көппәтерлі тұрғын үйлерде жүргізіледі.
11. Тексеру мен жобалауды сәулет, қала құрылысы және құрылыс қызметі саласында тиісті лицензиялары бар, Қазақстан Республикасының мемлекеттік сатып алу туралы заңнамасына сәйкес анықталатын мамандандырылған ұйымдар орындайды.
12. Ағымдағы жөндеудің сметалық есебін және күрделі жөндеуді жобалауды әзірлеу кезінде Қазақстан Республикасының сәулет, қала құрылысы және құрылыс қызметі саласындағы қолданыстағы заңнаманы мен нормативтерді басшылыққа алу қажет.
13. Ағымдағы жөндеудің сметалық құны және (немесе) тиісті сараптамадан өткен көппәтерлі тұрғын үйлердің қасбеттерін, шатырларын күрделі жөндеу жобалары бекітілгеннен кейін Бөлім Қазақстан Республикасы Қаржы министрiнiң 2014 жылғы 24 қарашадағы № 511 "Бюджеттік өтінімді жасау және ұсыну қағидаларын бекіту туралы" (Нормативтік құқықтық актілерді мемлекеттік тіркеу тізілімінде № 10007 тіркелген) бұйрығына сәйкес бюджеттік өтінім жасайды және ұсынады.
14. Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі жұмыстарды сатып алуды Қазақстан Республикасының мемлекеттік сатып алу туралы заңнамасына сәйкес Бөлім жүзеге асырады.
15. Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі жұмыстарды қабылдау техникалық қадағалауды жүзеге асыратын тұлғаларды тарта отырып, жиналыспен бірлесіп, тапсырыс беруші жүзеге асырады.

 4-тарау. Қорытынды ережелер

16. Түлкібас ауданының, Састөбе, Түлкібас, Т. Рысқұлов және Майтөбе елді мекендерінің бірыңғай сәулет келбетін беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және қаржыландыру жергілікті бюджет қаражаты болған кезде жүзеге асырылады.

 

Дата публикации

31 марта 2022