Аудан әкімдігінің 2022 жылғы 1 сәуірдегі №127 қаулысымен аудан әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия құрамы бекітіліп, аудандық мәслихаттың шешімімен комиссия құрамы бекітілді.
Төлеби ауданы әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссиясының 2022 жылға арналған іс-шаралар жоспары бекітілген.
Бекітілген жоспарға сәйкес тоқсанына кемінде бір рет комиссия отырысы өткізіледі.
2022 жылғы 25 наурызда осы комиссияның отырысы өтті. Күн тәртібінде «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру іс-шаралар жоспарының орындалуы бойынша мемлекеттік мекемелер есептерін тыңдау», аудандық жұмыспен қамту және әлеуметтік бағдарламалар бөлімі, аудандық кәсіпкерлік және ауыл шаруашылығы бөлімі, Бірінші Мамыр, Алатау, Аққұм ауылдық округі әкімдерінің баяндамалары тыңдалды. Оның қорытындысы бойынша ауылдық округ әкімдеріне және бөлім басшыларына сыбайлас жемқорлықтың алдын алу бойынша тиісті хаттамалық тапсырмалар берілді.
Бұдан басқа, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 19.10.2016 жылғы №12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес Төлеби ауданының 4 квазимемлекеттік субъектісінде ішкі талдау жұмысы жүргізілді.
Квазимемлекеттік субъектілерге ішкі талдау жүргізу барысында сыбайлас жемқорлық құқық бұзушылықтар жасауға ықпал ететін себептер мен жағдайлар анықталған жоқ.