Созақ аудандық аумақтық сайлау комиссиясы ШЕШІМ

Шолаққорған ауылы                         №31                                 23 тамыз 2019 жыл

 

 

Созақ ауданы, Жартытөбе ауылдық  округі                                                                әкімінің сайлауын  тағайындау,                                                                                   сайлау әзірлеу мен өткізу жөніндегі                                                                        негізгі  іс-шаралардың күнтізбелік                                                                   жоспарын бекіту туралы

 

«Қазақстан Республикасындағы сайлау туралы» Қазақстан Республикасы Конституциялық заңының және Қазақстан Республикасының 2001 жылғы                       23 қаңтардағы  «Қазақстан Республикасындағы жергілікті мемлекеттік басқару және өзін-өзі басқару туралы» №148  Заңының,   36, 36-1 баптарына  сәйкес, Созақ аудандық аумақтық сайлау комиссиясы ШЕШТІ:

  1. Созақ ауданы, Жартытөбе ауылдық округі әкімінің сайлауы                    2019 жылғы 25 қыркүйегіне тағайындалсын.

            Кандидаттарды ұсыну 2019 жылғы 27 тамызынан басталсын.

  1. 2019 жылдың 25 қыркүйегіне тағайындалған, қоса тіркеліп отырған Жартытөбе ауылдық округі әкімінің сайлауын әзірлеу мен өткізу жөніндегі негізгі іс-шаралардың күнтізбелік жоспары бекітілсін.
  2. Осы шешім бұқаралық ақпарат құралдарында жариялансын.

 

 

Төраға                                      Ә.Сахиұлы

 

Хатшы                                               Р.Ә.Оспанов      

 

Созақ аудандық аумақтық

                                                                                           сайлау комиссиясының

                                                                                           2019 жылғы 23 тамыздағы  

                                                                                                           №31 шешімімен бекітілді

 

2019 жылғы 25 қыркүйекке тағайындалған

Созақ ауданы, Жартытөбе ауылдық округі әкімінің сайлауын  әзірлеу мен өткізу жөніндегі негізгі іс-шаралардың

 

Күнтізбелік жоспары

 

  1. Тиісті әкімшілік-аумақтық бірлік тұрғындарының назарына жергілікті бұқаралық ақпарат құралдары арқылы сайлау күні туралы хабарды жеткізу.

                                              

Аумақтық сайлау комиссиясы.

                                                                                                                    (п.11)

 

  1. Бұқаралық ақпарат құралдарында тиісті аумақтық сайлау комиссиясының құрамын жариялау.

 

Аумақтық сайлау комиссиясы.

Сайлау тағайындалғаннан кейін 10 күннен кешіктірмей.

 

                                                                                                              (пп.1), 7) п.9)

 

  1. Әкімдікке кандидаттарды балама негізде аумақтық сайлау комиссиясына тиісті әкімнің ұсынымы мен кандидаттардың тиісті әкімшілік-аумақтық бірліктің аумағында әкімдікке кандидаттар ретінде дауысқа түсуге келісетіні туралы өтініштерді беруі арқылы ұсыну.

 

Аудан (қала) әкімі.

Сайлау күнінен 30 күн бұрын – 2019 жылғы

27 тамызынан  басталады және сайлау күніне 25 күн қалғанда – 2019 жылғы 31 тамызында  аяқталады.

                                                                                                           (п.п. 13, 14, 15)

 

  1. Таңдаушылардың тізімдерін жасау және оларды дауыс беруге арналған пунктте ілу.

Аумақтық сайлау комиссиясы тиісті мәслихат хатшысының ұсынуы бойынша.

 

                                                                 Дауыс  беру  күніне  7  күн қалғанда –

                                                                 2019 жылғы 18 қыркүйекте.

                                                                                                     (пп. 1, 7) п.п. 9, 48)

 

  1. Әкімдікке кандидаттың Қазақстан Республикасы Конституциясының 33-бабы 3-тармағында және Қазақстан Республикасының аудандық маңызы бар қалалары, ауылдық округтері, ауылдық округтің құрамына кірмейтін кенттері мен ауылдары әкімдерінің сайлауын өткізу ережесінде қойылатын талаптарға сәйкестігін анықтау, тиісті хаттама жасау.

 

Аумақтық сайлау  комиссиясы.

Үш күннің ішінде. 

                                                                                           (п.п. 12, 17, 19)

 

  1. Тұрғылықты жері бойынша салық органдарына 2019 жылғы 1 тамызына табысы мен мүлкі туралы декларация тапсыру.

 

Кандидат және оның зайыбы (жұбайы).

                                        Кандидат тіркелгенге дейін. 

                                                                                                              (п. 18)

 

  1. Кандидаттарды тіркеу және тиісті куәлік тапсыру

Аумақтық сайлау комиссиясы

Барлық қажетті құжаттар алынғаннан кейін басталады  және дауыс беретін күнге 15 күн қалғанда 2019 жылғы 10 қыркүйекте аяқталады.  

                                                                                                                (п.п. 20, 24)

 

  1. Жергілікті бұқаралық ақпарат құралдары арқылы немесе өзге тәсілмен кандидаттардың тіркелгені туралы хабарлау.

Аумақтық сайлау  комиссиясы.

                       Кандидаттар тіркелгеннен кейін 7-ші күннен кешіктірмей.

 

                                                                                                                 (пп 1) п. 22)

 

  1. Кандидат пен оның зайыбы (жұбайы) жариялаған табысы және мүлкі туралы мәліметтердің дұрыстығын тексеру.

 

Салық қызметі органдары.

Кандидат пен оның зайыбы (жұбайы) декларацияны тапсырған күннен бастап 7 күннің ішінде.

                                                                                                                            (п. 19)

 

  1. Кандидаттардың сенім білдірілген адамдарын тіркеу және оларға тиісті куәліктер беру.

Аумақтық сайлау комиссиясы.

Сенім білдірілген адамдардың тізімдерін тіркеу үшін берген сәттен бастап.

                                                                                              (пп. 2) п. 9, п.п. 33, 34)

  1. Кандидаттарға таңдаушылармен кездесулері үшін шарт негізінде үй-жайлар беру.

      Кандидаттардың бөлінген үй-жайда таңдаушылармен кездесу кестесін жасау және оны бұқаралық ақпарат құралдарында жариялау.

Жергілікті атқарушы органдар және жергілікті өзін-өзі басқару органдары.

Тиісті аумақтық сайлау комиссиялары.

Сайлау алдындағы үгітті жүргізу кезеңінде.

                                                                                                              (пп. 1, 7) п. 9)

 

  1. Сайлау алдындағы үгітті жүргізу.

Әкімдікке кандидаттар, олардың сенім білдірілген адамдары.

Кандидаттарды тіркеу аяқталған күннен басталады және сайлау күнiнiң алдындағы күнi -  2019 жылғы                   23 қыркүйекте жергілiктi уақыт бойынша 24 сағатта аяқталады.

                                                                                                                             (п. 28)

 

  1. Аумақтық сайлау комиссияларында сайлау қорларын тіркеу.

Әкімдікке кандидаттар, олардың сенім білдірілген адамдары.

Кандидаттың тиісті аумақтық сайлау комиссияларына өтініш жасаған сәтінен бастап бір күнтізбелік күннің ішінде. 

                                                                                                               (пп.1, 7) п. 9)

 

  1. Сайлау қорларының арнайы уақытша шоттарын ашу.

                                         Аумақтық сайлау комиссиясы. 

                                         Кандидат тіркелгеннен кейін.

                                                                                                              (пп. 1, 7) п. 9)

 

  1. Дауыс беруге арналған пунктті ашу, тиісті хаттама жасау.

Аумақтық сайлау  комиссиясы.

                              Дауыс берудің басталуына бір сағат қалғанда.                                                                                                                              

(п. 52)

  1. Әкімнің сайлауын өткізу. Әкімді сайлау жөніндегі дауыстарды санау және дауыс беру нәтижелерін жария ету, әкімді сайлау нәтижелері туралы хаттама жасау.

Аумақтық сайлау  комиссиясы.

                                         Бір күннің ішінде - 2019 жылғы 25 қыркүйек.                                                                                                                                                     (п.п. 47-54)

 

  1. Сайланған әкімді тіркеу. Шешімді аудан әкіміне және аудандық мәслихатқа ұсыну.

Аумақтық сайлау  комиссиясы.

                              Сайлау өткізілген күннен бастап бес күндік мерзімде –

                              2019 жылғы 29 қыркүйектен кешіктірмей.

                                                                                                                                           (п. 57)

 

  1. Кандидаттың сайлау қоры қаражатын пайдаланғаны туралы аумақтық сайлау комиссиясына есеп беруі.

Әкімдікке кандидаттар.

Сайлау қорытындылары анықталғаннан кейін                      5 күннен кешіктірмей  - 2019 жылғы 29 қыркүйектен кешіктірмей.                                                                                                                                                     

                                                                                                     (п. 44)

 

  1. Жергілікті бұқаралық ақпарат құралдарында сайлау қорытындылары және сайланған әкімді тіркеу туралы хабар жариялау.

Аумақтық сайлау  комиссиясы.

                          Сайлау өткізілген күннен бастап 7 күннен кешіктірмей –                                        

                                    2019 жылғы 1 қазаннын кешіктірмей.

                                                                                                    (пп. 1, 7) п. 9, п. 59)

 

Жартытөбе ауылдық округі әкімін кандидаттыққа ұсыну жөніндегі

жергілікті қоғамдастықпен консультация жиынының

КЕСТЕСІ   

Қ/с

                    Күні       

                (тамыз)

 

 

Аудан

 

27

1

Созақ 

 

Жартытөбе елді мекені

Жартытөбе ауылдық клубы                                                   

Сағат 11:00

 

 

 

                  

 

 

                    Созақ   аудандық аумақтық сайлау комиссиясы

 

(161000  Түркістан облысы, Созақ ауданы, Шолаққорған ауылы, Жібек жолы көшесі, нөмірсіз үй. «Мыңжылқы» мәдениет сарайы.

Тел.: 8/72546/ 4-28-04)

 

  1. Сахиұлы Әбубәкір –  комиссия төрағасы.Зейнеткер, «Ардагерлер ұйымы» республикалық қоғамдық бірлестігінің Созақ аудандық филиалының өкілі.
  2. Бабиев Аманкелды Абибуллаевич – комиссия төрағасының орынбасары. «А.Байтұрсынов» атындағы жалпы орта мектеп директордың шаруашылық ісі жөніндегі орынбасары, «Ауыл» халықтық демократиялық патриоттық партиясының өкілі.
  3. Оспанов Руслан Әлиұлы – комиссия хатшысы. «SENIM» денсаулық сақтау жүйесі жұмыскерлерінің салалық кәсіптік одағының өкілі.
  4. Асқаров Мыңжасар – комиссия мүшесі.Зейнеткер, Нұр Отан» партиясы Созақ аудандық филиалының өкілі.
  5. Айдаров Нұрәлі Тұрдыұлы - комиссия мүшесі. Аудан әкімдігінің білім бөлімінің басшысы, «Түркістан облыстық мемлекеттік мекемелер қызметкерлерінің кәсіподақ комитетінің» өкілі.
  6. Избалаев Бекберген Сатыбалдиевич - комиссия мүшесі.

               «А.Жұбанов» атындағы саз мектебінің директоры, «Қазақстан                                                                         

               Республикасы жергілікті соғыс және ауғаныстан  ардагерлер                           

               одағы» қоғамдық бірлестігінің өкілі.

 

 

Комиссия төрағасы                                   Ә.Сахиұлы

 

Комиссия хатшысы                                   Р.Оспанов

 

Дата публикации
23 августа 2019