Созақ ауданының 2020-2022 жылдарға арналған азаматтық бюджеті Қазақстан Републикасында келесі деңгейдегі бюджеттер бекітіледі, орындалады және дербес бюджеттер болып табылады: республикалық бюджет, облыстық бюджет, республикалық маңыздағы қала, астана бюджеттері, аудан бюджеті жергілікті бюджеттерге жатады. 2020-2022 жылдарға арналған аудан бюджеті Қазақстан Республикасының Бюджет және Салық кодекстеріне, 2016-2020 жылдарға арналған Cозақ ауданының әлеуметтік-экономикалық даму бағдарламасына сәйкес дайындалған және аудандық мәслихаттың 2019 жылғы 20 желтоқсандағы сессиясының № 285 шешімімен бекітілді. 1. Бюджет үдерісінің схемасы Бюджетті әзірлеуді экономикалық саясатты, қалыптастыру мен дамыту, мемлекеттік жоспарлау ауданның (областық маңызы бар қаланың) бюджеттік атқару және коммуналдық меншігін басқару саласындағы мемлекеттік саясатты іске асыру жөніндегі қызметтер жүзеге асыратын мемлекеттік жергілікті уәкілетті орган –экономика және қаржы бөлімі жүзеге асырады. 1. Ауданның әлеуметтік-экономикалық даму Бағдарламасының жобасын 5-жылдық кезеңге әзірлеу. 2. Бюджеттік бағдарлама әкімгерлерінің бюджеттік өтінімдерін аудандық бюджет комиссиясының қарауына беру. 3. Ағымдағы қаржылық жылғы 1 қарашадан кем емес уақытта аудандық бюджет жобасын әзірлеу, бір мезгілде өңірдің әлеуметтік-экономикалық даму болжамын, стратегиялық жоспарлардың жобаларын немесе мемлекеттік органдардың стратегиялық жоспарларына өзгерістер мен толықтыру жобаларын, жергілікті бюджет жобасына енгізілген шешімді ашатын түсіндірме жазбаны ұсынады. 4. Облыстық мәслихатпен облыстық бюджетті бекіту туралы шешімге қол қойылғаннан кейінгі екі аптадан кем емес мерзімде мәслихатпен үш жылдық кезеңге аудан бюджетін бекіту. Бюджеттің орындалуын аудан бюджетінің орындалуы, бухгалтерлік есептерін, бюджеттік есептерін жүргізу саласында қызмет ететін бюджеттің орындалуы жөніндегі жергілікті уәкілетті орган – экономика және қаржы бөлімі жүзеге асырады. 1. Төлемдер мен міндеттер бойынша түсімдер мен қаржыландыруының жиынтық жоспарын әзірлеу және бекіту. 2. Қаржылық жыл бойы аудандық бюджетті орындау бойынша шараларды өткізу. 3. Бюджеттік мониторинг және бюджет қаражаттарын тиімді бағалауды өткізу, бюджетті орындау туралы ай сайынғы есептер дайындау. 4. Аудан мәслихатына ағымдағы жылғы 1 мамырға дейін есептік қаржылық жыл үшін аудандық бюджеттің орындалуы туралы есепті ұсыну және оның бекітілуі.