Ресми хабарлама

«Түркістан облысының цифрландыру, мемлекеттік қызметтер көрсету және архивтер басқармасы» ММ қоғамдық және жол қауіпсіздігін қамтамасыз етуге деген өсіп келе жатқан қажеттілікті ескере отырып, Түркістан облысы аумағында заманауи фото-бейнетіркеу және бейнебақылау жүйелерін енгізу жобасын іске асыруды жоспарлап отыр.

Жоба аясында келесілер көзделеді:

• Түркістан облысының 750 сызықтық учаскесінде фото-бейнетіркеу және бейнеталдау аппараттық-бағдарламалық кешендерін енгізу.
• 8 000 қоғамдық бейнебақылау камераларын орнату, оның ішінде:

1 500 айналмалы камера;

6 500 тұрақты камера.

• Жүйенің тұрақты жұмысын қамтамасыз ету үшін қажетті серверлік және коммуникациялық жабдықты жеткізу және монтаждау.

Жоғарыда көрсетілген жобаны іске асыруға қызығушылық білдіретін, осы саладағы ұқсас жобаларды жүзеге асыру тәжірибесі бар компанияларды өз ұсыныстарын жолдауға шақырамыз.

Ұсыныстар техникалық сараптамаға, бұрын орындалған жобалардың сапасына және белгіленген талаптарға сәйкестігіне сәйкес қаралатын болады.

 

Жобаны іске асырудың негізгі шарттары:

 

• Жобаны құру толықтай жеткізушінің өз қаражаты есебінен жүзеге асырылады. Жеткізуші жобаны іске асыруға қажетті қаражаттың бар екенін растайтын құжаттарды ұсынуы тиіс.

 

• Экономикалық тиімділікті қамтамасыз ету мақсатында жобаның шарттарының бірі — жобаның айыппұл түріндегі түсімдер есебінен өзін-өзі ақтауы. Түсімдердің жеткіліксіз болған жағдайда, келісімшарт сомасы айыппұлдардан түскен нақты түсім көлеміне дейін азайтылады.

Дата публикации

20 ноября 2025