GOV.KZ – Мемлекеттік органдардың цифрлық ресурстарының бірыңғай платформасы
Меню
Страницы
Все материалы
20 октября 2026
Жасанды интеллект және цифрландыруЖасанды интеллект пен білім беруді цифрландыру – қазіргі қоғам дамуының маңызды бөлігі. Жасанды интеллект медицинада, қаржыда, өндірісте, ғылыми зерттеулерде, аудармада және көлік саласында кеңінен қолданылады.
Білім беруді цифрландыру онлайн оқумен ғана шектелмейді. Оған электронды күнделіктер, цифрлық оқулықтар, білім беру платформалары және жасанды интеллект көмегімен оқыту жатады. Бұл оқушылардың өз бетінше білім алуына, мұғалімдердің жұмысын жеңілдетуге және білім ресурстарына қолжетімділікті арттыруға мүмкіндік береді.
Қазақстанда білім беруді цифрландыру үш кезеңнен өтті: 1980–1990 жылдардағы компьютерлік сауаттылық, 2000–2018 жылдардағы ақпараттық технологияларды енгізу және 2018 жылдан басталған цифрлық трансформация.
Дегенмен, цифрландырудың кемшіліктері де бар. Интернетке шамадан тыс тәуелділік оқушылардың ойлау қабілетіне, шығармашылығына, денсаулығына және әлеуметтік қарым-қатынасына кері әсер етуі мүмкін.
Қорытынды: жасанды интеллект пен цифрлық технологияларды тиімді әрі қауіпсіз пайдалану білім сапасын арттырып, болашақ мамандарды даярлауға көмектеседі. Қорқыт ата атындағы Қызылорда университетінде Сеултех жасанды интеллект және информатика жоғары мектебінің ашылуы – осы бағыттағы маңызды қадам.
20 октября 2026
ТҮРКІСТАНДЫҚ СПОРТШЫЛАР «ЖҰЛДЫЗАЙ-2026» ҰЛТТЫҚ ИНКЛЮЗИВТІ ОЙЫНДАРЫНДА ЖҮЛДЕЛІ ОРЫНДАРҒА ИЕ БОЛДЫАстана қаласында «Жұлдызай-2026» Ұлттық инклюзивті ойындары өтті. Еліміздің барлық өңірінен 600-ден астам ерекше қажеттілігі бар спортшыдар бақ сынаған ауқымды жарыста Түркістан облысының спортшылары үстел теннисінен жоғары нәтиже көрсетті.
Елорда төрінде бабы мен бағы қатар шапқан Мерей Серікбай, Мұхаммедәли Уралов және Ахмет Қалықұл алтын медаль иеленсе, Нұрислам Абдашим күміс жүлдеге қол жеткізді. Осылайша, облыс құрамасы үстел теннисінен жалпы 4 медаль жеңіп алып, 20 өңірдің арасында командалық есепте екінші орынға тұрақтады.
Жарыс қорытындысы бойынша Түркістан облысының спортшылары бірқатар арнайы номинациямен де марапатталды. Атап айтқанда, команда жаттықтырушысы Мақсат Қыдырша «Ең үздік команда жаттықтырушысы» және «Ең үздік бас төреші» номинациясына ие болды. Сонымен қатар Уралов Мұхаммедәли мен Абдашим Нұрислам пара үстел теннисіндегі ойындары үшін «Ең үздік ойыншы» номинациясымен марапатталды.
«Түркістандық спортшылардың бұл жетістігі – табандылық пен еңбектің, жаттығу мен жеңіске деген жігердің жемісі», – деді Түркістан облыстық мүгедектерге арналған «Сауран» спорт клубының директоры Сабыржан Бульдуруков. Оның айтуынша, бұл жеңіс өңірдегі инклюзивті спорттың дамуына жаңа серпін береді.
Айта кетейік, биылдан бастап «Жұлдызай» Ұлттық инклюзивті ойындары Қазақстан Республикасы Туризм және спорт министрлігі бекіткен негізгі жарыстар тізіміне енгізілді. Бұл – инклюзивті спортты дамытуға, ерекше қажеттіліктері бар азаматтардың спортпен тұрақты айналысуына және олардың қабілеттерін кеңінен танытуға бағытталған маңызды қадам.
13 октября 2026
Меншікті қорғау – құқықтық мемлекеттің маңызды қағидаларының бірі.Әр азаматтың өз мүлкіне иелік ету, пайдалану және оған билік ету құқығы заңмен қорғалады. Меншік құқығына құрмет – қоғамдағы тұрақтылықтың, экономикалық дамудың және азаматтардың әл-ауқатының кепілі.
Заң үстемдігі берік орнаған жерде адамдар өз еңбегінің нәтижесіне сенімді болып, кәсіпкерлік пен бастамашылдыққа жол ашылады. Сондықтан меншікті қорғау – тек жеке адамның мүддесі емес, елдің өркендеуіне қызмет ететін маңызды құндылық.
13 октября 2026
АЛКОГОЛЬДЕН БАС ТАРТУ – ДЕНСАУЛЫҚҚА ЖАСАЛҒАН ДҰРЫС ҚАДАМ!Құрметті тұрғындар!
«Салимжан и К» ЖШС емханасы халық арасында алкогольді тұтынудың алдын алу және салауатты өмір салтын қалыптастыру бағытында ақпараттық-түсіндіру жұмыстарын жүргізеді.
Алкогольдің адам денсаулығына әсері қандай?Алкогольді шамадан тыс тұтыну:
бауыр, жүрек-қантамыр жүйесі мен ас қорыту ағзаларына кері әсер етеді; психикалық және мінез-құлық бұзылыстарының қаупін арттырады; алкогольге тәуелділіктің қалыптасуына әкелуі мүмкін; жарақаттар мен жазатайым оқиғалардың қаупін арттырады; онкологиялық аурулардың бірнеше түрінің даму қаупімен байланысты.Дүниежүзілік денсаулық сақтау ұйымының мәліметінше, алкоголь 200-ден астам ауру мен денсаулық жағдайына себепші немесе ықпал етуші фактор болып табылады.
13 октября 2026
Қазақстан Президенті Бельгиялықтар Королімен және Патшайымымен бірге Ұлттық музейге бардыМемлекет басшысы Қасым-Жомарт Тоқаев Қазақстанға мемлекеттік сапармен келген Король Филипп және Патшайым Матильдамен бірге Ұлттық музейді аралады.
Мәртебелі меймандар музей кешенінің сәулеттік ерекшеліктерін және Ұлы даланың мәдени-тарихи мұрасын паш ететін экспозициялар кеңістігін тамашалады.
Әсіресе, бірегей археологиялық қазбалар, ежелгі зергерлік өнер үлгілері, соның ішінде Есік қорғанынан табылған «Алтын адам» мен Берел, Талды-2, Тақсай, Шілікті обаларынан шыққан алтын бұйымдар қойылған Алтын залына ерекше назар аударылды.
Этнография залында қонақтар қазақ халқының салт-дәстүрімен, тұрмысымен, материалдық және рухани мәдениетімен танысты.
Сондай-ақ бельгиялық суретші Джеймс Энсор шығармаларының көрмесі ұсынылды.
Бельгиялықтар Королі мен Патшайымы Құрметті қонақтар кітабына естелік жазба қалдырды
09 октября 2026
1 қазан – Халықаралық қарттар күніне орайШілік ауыл округінде аға буын өкілдері мен қарт тұрғындар арасында спорттық сайыстар ұйымдастырылды.
Іс-шараның мақсаты – қарттарға құрмет көрсету, олардың қоғамдық белсенділігін арттыру, салауатты өмір салтын насихаттау және бос уақыттарын тиімді ұйымдастыру.
Сайыс барысында қатысушылар қол күрес, шахмат және үстел теннисі спорт түрлерінен бақ сынасып, өздерінің ширақтықтары мен ептіліктерін көрсетті. Жарыс жоғары көңіл-күйде, тартысты әрі қызықты өтті.
Шілік ауыл округінің әкімдігі барша қарттарымызды 1 қазан – Халықаралық қарттар күнімен құттықтай отырып, зор денсаулық, ұзақ ғұмыр, отбасыларына амандық пен бақ-береке тілейді!
Қарты бар ел – қазыналы ел09 октября 2026
ТҮРКІСТАН ОБЛЫСЫНЫҢ ӘКІМІ ОТЫРАР ТҰРҒЫНДАРЫМЕН КЕЗДЕСІП, АУДАННЫҢ ДАМУ БАҒЫТТАРЫН АЙҚЫНДАДЫОблыс әкімі Нұралхан Көшеров Отырар ауданына барып, тұрғындармен кездесті. Кездесуде ауданның әлеуметтік-экономикалық даму көрсеткіштері сараланып, алдағы кезеңге арналған негізгі міндеттер айқындалды.
Жиында тұрғындар өздерін толғандырған мәселелерді ашық айтып, ұсыныс-пікірлерін жеткізді. Өңір басшысы көтерілген мәселелерді тыңдап, тиісті жауапты сала басшыларына нақты тапсырмалар берді. Сонымен қатар кездесуге келген тұрғындардың өтініштері мен ұсыныстарын жеке тыңдап, қабылдау өткізді.
– Бүгін қазақ өркениетінің алтын діңгегі, киелі Арыстанбаб бабамыз мәңгілік тыныстап жатқан, талай тарихи оқиғаның куәсі болған Отырар өңірінің тұрғындарымен жүздесіп отырғаныма қуаныштымын.Отырар ауданының әлеуметтік-экономикалық дамуында оң динамика қалыптасқан. 2026 жылдың 8 айында жалпы өңірлік өнім көлемі 67,5 млрд теңгені құрап, өткен жылдың сәйкес кезеңімен салыстырғанда 43,6 пайызға артқан. Өнеркәсіп өнімінің көлемі 27,3 млрд теңгеге жетсе, оның ішінде өңдеу өнеркәсібінің көлемі 4,6 млрд теңгені құрады.Негізгі капиталға бағытталған инвестиция көлемі 28,6 млрд теңгені, сауда көлемі 5,3 млрд теңгені құрап отыр. Ауыл шаруашылығы өнімінің көлемі 26,7 млрд теңгеге жетіп, өткен жылдың сәйкес кезеңімен салыстырғанда 5,3 пайызға өскен. Құрылыс жұмыстарының көлемі 9,9 млрд теңгені құрап, пайдалануға берілген тұрғын үй көлемі 14,5 мың шаршы метрге жетті.Ауданда биыл Темір ауылындағы Темір станциясын жаңғырту жұмыстары жүргізіліп, нысан пайдалануға берілді. Ал «Жайлы мектеп» ұлттық жобасы аясында өткен жылы 600 орындық жаңа мектеп ел игілігіне берілді.Инженерлік инфрақұрылымды дамыту бағытында да жұмыстар атқарылуда. Биыл Балтакөл, Маяқұм және Көксарай ауылдық округтеріндегі 7 елді мекенді табиғи газбен қамту жұмыстары басталды. Жоба толық жүзеге асқан жағдайда, аудан бойынша газбен қамтылған елді мекендер саны 29-ға жетіп, қамту деңгейі 78,4 пайызды құрайды.Тұрғындардың әл-ауқатын арттыру, инвестициялық жобаларды жүзеге асыру, жаңа жұмыс орындарын ашу және ауданның әлеуметтік-экономикалық даму көрсеткіштерін одан әрі жақсарту бағытындағы жұмыстарды күшейтуді тапсырамын, – деді Нұралхан Көшеров.Бұдан бөлек, ауданда жол және инфрақұрылым мәселелерін шешуге басымдық берілуде. «Ауыл – Ел бесігі» жобасы аясында биыл жергілікті бюджет есебінен жалпы ұзындығы 58,5 шақырым болатын 25 көшеге орташа жөндеу жұмыстары жүргізілуде. Нәтижесінде аудан бойынша автомобиль жолдарының қанағаттанарлық жағдайдағы үлесін 87 пайызға жеткізу көзделген.Сонымен қатар 11 елді мекенде балалар ойын алаңдарын салу, 19 елді мекенде көшелерді жарықтандыру және жаяу жүргіншілерге арналған аяқжолдар салу жұмыстары қолға алынған. Бір елді мекенде абаттандыру жұмыстары жүргізілуде.
Кездесуде Отырар ауданының әкімі Қайрат Жолдыбайұлы ауданның өткен жылы атқарған жұмыстары мен алдағы жоспарлары туралы баяндады.
Ашық форматта өткен кездесуде тұрғындар білім беру, автомобиль жолдары, кәріз жүйесі, инженерлік инфрақұрылым, жер қатынастары және басқа да әлеуметтік мәселелерді көтерді. Әрбір мәселе бойынша жауаптар беріліп, тиісті жұмыстарды жүргізу жөнінде нақты тапсырмалар жүктелді.
Кездесуден кейін облыс әкімі Нұралхан Көшеров тұрғындарды жеке қабылдады. Қабылдауға келген азаматтардың өтініштері қаралып, көтерілген мәселелер бақылауға алынды.
09 октября 2026
ҰСТАЗҒА ҚҰРМЕТ – ҰРПАҚҚА ӨНЕГЕ!Отырар ауданында шәкірттерін білім нәрімен сусындатып, өмірге жол сілтейтін ұлғатты ұстаздардың төл мерекесіне арналған ауқымды мерекелік іс-шара ұйымдастырылды.
Мерекелік кеште «Отырар өнер және саз мектебінің» оркестрі жиналған көпшілікті күмбірлеген күймен қарсы алды. Аудандағы білім беру ұйымдары дайындаған арнайы көрме жұмыстары ұсынылып, келген қонақтар ұстаздардың шығармашылық жетістіктерімен танысты.
Салтанатты жиынды аудан әкімі Қайрат Жолдыбайұлы мен аудандық мәслихат төрағасы Уалихан Жамалханұлы ашып, жүрекжарды жылы лебіздерін білдірді. Ұстаздық жолдың ауыр да абыройлы жүгін арқалаған ардақты жандардың еңбегі ешқашан ұмытылмайтынын атап өтті.
Әкім мен төраға өңіріміздегі білім саласының дамуына сүбелі үлес қосып жүрген бір топ ұстаздарды кәсіби мерекелерімен құттықтап, алғыс хаттар мен марапаттарды табыстады.
Сонымен қатар, мерекелік жиынға арнайы қатысқан Түркістан облысының білім басқармасы басшысының орынбасары Өсербаев Амантай Оразалыұлы білім саласында нәтижелі еңбек етіп жүрген бір топ ұлағатты ұстаздарға басқарма басшысының Алғыс хаттарын салтанатты түрде табыс етті.
Іс шарада ардагер ұстаздарға сый-сыйапат жасалып, одан әрі концерттік бағдарламаға ұласты. Сахна төріне шыққан «Сегіз сері» тобының орындауындағы «Бипыл» мен «Ұстазым» әндері көпшіліктің көңілін көтерсе, жас өнерпаз Теміршаева Аяулымның орындауындағы «Ұстазым» әні жүректерге жылу ұялатты. Сондай-ақ Адиля Алмазқызы мен Сұлухан Рашидқызының «Ұстазға тағзым», «Аяла» тобының «Ұстазым ұнайды», Айгерім Ахауова мен Адиля Алмазқызының «Ардақты ұстазым» әндері кештің сәнін кіргізді. Салтанат Жиренбай мен «Сегіз сері» тобының орындауындағы «Ананың тілі» әні де көрерменнің ыстық ықыласына бөленді.
«Ұстаздан тәрбие алған» немесе «Ұстаз алдын көрген» деген сөздер қазақ баласы үшін қашанда қасиетті ұғым екені белгілі. Осы бір қағиданың астарына терең үңілдірген мерекелік кеш ұстаз мәртебесін бір саты жоғары көтеріп, қатысушыларға ұмытылмас рухани әсер сыйлады.
28 сентября 2026
Алкоголизмнің алдын алу – қоғам денсаулығы мен қауіпсіздігінің маңызды бағыты.Алкоголизмнің алдын алу – қоғам денсаулығы мен қауіпсіздігінің маңызды бағыты. Ішімдік адам денсаулығына зиян келтіріп қана қоймай, отбасыға, жұмысқа, оқу мен әлеуметтік өмірге де кері әсер етеді.
Салауатты өмір салтын ұстану, спортпен айналысу, зиянды ортадан аулақ болу және жақындармен ашық сөйлесу – тәуелділіктің алдын алудың тиімді жолдары.
Егер сізге немесе жақыныңызға көмек қажет болса, маманға жүгінуден ұялмаңыз. Ерте көмек – үлкен мәселенің алдын алады.
Алкогольден бас тарту – саналы таңдау!
28 сентября 2026
Конституция – ел бірлігінің берік негізіҚазақстан Республикасының Конституциясы – мемлекеттің құқықтық негізін айқындайтын, азаматтардың құқықтары мен бостандықтарын қорғайтын басты құжат.
Конституцияда адам, оның өмірі, құқықтары мен бостандықтары ең жоғары құндылық ретінде бекітілген.
Ата Заңды құрметтеу – әр азаматтың ел алдындағы жауапкершілігінің маңызды бөлігі. Заңды сақтау, өз құқығыңды білу және өзгенің құқықтарына құрметпен қарау қоғамдағы тұрақтылық пен татулықты нығайтады.
Конституция талаптарын сақтау арқылы біз құқықтық, әділетті әрі қауіпсіз қоғам қалыптастыруға үлес қосамыз.
Еліміздің болашағы – заңға құрметпен қарайтын, өз міндетін жауапкершілікпен атқаратын азаматтардың қолында. Сондықтан Конституцияны білу және оның қағидаларын күнделікті өмірде ұстану – әрқайсымыз үшін маңызды міндет.
Социальные сети
Меню подвал