Түркістан облысында балалар театрының дамуына серпін беретін жаңа бастама қолға алынды. Қ.Жандарбеков атындағы Жетісай драма театрында «Алқызыл гүл» қуыршақ ертегісінің премьерасы өтті. Бұл – өңірде кәсіби деңгейде сахналанған алғашқы қуыршақ қойылымы. Туынды - балаларды ізгілікке, мейірімділік пен адалдыққа баулып, сұлулықты бағалауға үндейді. Бұған дейін Түркістан облысында арнайы кәсіби қуыршақ театры болмаған. Осыған орай, Жетісай драма театрының шығармашылық ұжымы қуыршақ өнерін меңгеріп, балаларға арналған жаңа қойылымды көрермен назарына ұсынды.
Қойылымның аудармашысы әрі қоюшы режиссері – Нұрсейіт Өткір. Қоюшы суретшісі – Қазақстанның еңбек сіңірген қайраткері Бақыт Срайлов, балетмейстері – халықаралық байқаулардың лауреаты Ринат Билибаев.
Айта кетейік, «Алқызыл гүл» қуыршақ ертегісі Алматы қаласында өтетін IV Халықаралық «Almaty Puppet Festival – 2026» қуыршақ театрлары фестиваліне қатысады. Бұл – Түркістан облысы театрының шығармашылық әлеуетін кеңінен танытуға мүмкіндік беретін маңызды қадам.
Түркістан облысының Өңірлік коммуникациялар қызметі
————
В ТУРКЕСТАНСКОЙ ОБЛАСТИ ВПЕРВЫЕ ПОСТАВИЛИ ПРОФЕССИОНАЛЬНЫЙ КУКОЛЬНЫЙ СПЕКТАКЛЬ
В Туркестанской области дан старт новой инициативе, призванной придать импульс развитию детского театрального искусства. На сцене Жетысайского драматического театра имени К. Жандарбекова состоялась премьера кукольного спектакля-сказки «Аленький цветочек». Это первая профессиональная кукольная постановка в регионе. Спектакль призван воспитывать в детях доброту, милосердие и честность, а также учить их ценить красоту.
До настоящего времени в Туркестанской области не было специализированного профессионального кукольного театра. В связи с этим творческий коллектив Жетысайского драматического театра освоил искусство кукольного театра и представил зрителям новую постановку для детей.
Переводчик и режиссёр-постановщик спектакля — Нурсейит Откир. Художник-постановщик — заслуженный деятель Казахстана Бахыт Срайлов, балетмейстер — лауреат международных конкурсов Ринат Билибаев.
Отметим, что кукольный спектакль «Аленький цветочек» примет участие в IV Международном фестивале кукольных театров «Almaty Puppet Festival – 2026», который состоится в Алматы. Это важный шаг, открывающий новые возможности для широкого представления творческого потенциала театра Туркестанской области.
Түркістан қаласында «Сырдария өзені алабының орта және төменгі ағысындағы түркі мәдениеті» халықаралық ғылыми-практикалық конференциясы өтеді. Бұл туралы өткен баспасөз жиынында «Әзірет Сұлтан» Ұлттық тарихи-мәдени музей-қорығының басшысы Ерлан Дакенов мәлімдеді.
«Ғылыми іс-шараны «Әзірет Сұлтан» Ұлттық тарихи-мәдени музей-қорығы мен Ислам тарихы, өнері мен мәдениетін зерттеу орталығы бірлесіп ұйымдастырады. Конференцияның негізгі мақсаты – Сырдария өзенінің орта және төменгі ағысы бойындағы түркі мәдениетінің қалыптасуы мен дамуын тарихи, археологиялық, сәулет, жазба және рухани мұралар негізінде кешенді зерделеу, сондай-ақ өңірдің түркі-ислам өркениетіндегі тарихи орнын ғылыми тұрғыдан талқылау. Конференция жұмысы төрт негізгі ғылыми секция бойынша ұйымдастырылады. Атап айтқанда: «Археология және сәулет өнері»; «Тарих және рухани сабақтастық»; «Жазба жәдігерлер және деректану»; «Түркі мәдениеті және қазіргі зерттеу бағыттары». Ғылыми жиынға Қазақстан, Түркия, Өзбекстан, Қырғызстан және Ресейден келген 40-тан астам ғалымдар мен зерттеушілер қатысады. Сонымен қатар, отандық және шетелдік ғалымдар мен зерттеушілерді, сала мамандарын, зиялы қауым өкілдерін, жоғары оқу орындарының профессор-оқытушылар құрамы мен студенттерін, жас зерттеушілерді қамту жоспарланып отыр»-деді спикер.
Сондай-ақ, баспасөз жиыны барысында т.ғ.д., профессор, Ислам тарихы, өнері мен мәдениетін зерттеу орталығы басшысының орынбасары Әшірбек Муминов ғылыми жиыннан күтілетін нәтижелер туралы баяндады.
«Бұл конференцияға дайындық жұмыстары 6 ай бұрын басталған. Бүгінгі күнге дейін Түркі мемлекеттерінің тарихын зерттеп жүрген ғалымдардың 50-ден астам еңбегі бағаланып, жиын болатын күні тұсауы кесілетін жинаққа енгізілді. Ғылыми жиынның негізгі мақсаты – тарихшылар, археологтар, дінтанушылар, өнертанушылар, филологтар мен әлеуметтанушылардың басын қосып, Сыр өңіріндегі ислам өркениетінің қалыптасуы мен дамуын ғылыми тұрғыдан саралау. Сондай-ақ, аймақтың интеллектуалдық, рухани, сәулеттік және әлеуметтік-экономикалық әлеуетін айқындап, тарихи мұра арқылы бейбітшілік, бірлік пен мәдениетаралық диалогты нығайту жолдарын қарастыру көзделген. Конференция барысында Сыр өңіріндегі түркі-ислам сәулет ескерткіштері мен археологиялық нысандарды зерттеудің жаңа нәтижелері сараланып, Қожа Ахмет Ясауи мұрасының аймақтағы сопылық мәдениеттің дамуына ықпалы қарастырылады. Сонымен қатар, ортағасырлық ойшылдар мен ғұламалардың жазба мұраларын ғылыми айналымға енгізу, тарихи-мәдени ескерткіштерді сақтау және қалпына келтіру, оларды заманауи ақпараттық құралдар арқылы кеңінен насихаттау мәселелеріне басымдық беріледі.
Сонымен бірге, отандық және шетелдік ғылыми-зерттеу орталықтары мен музейлер арасында ғылыми ынтымақтастықты дамыту, бірлескен археологиялық экспедициялар ұйымдастыру және қолжазба мұраларды зерттеу бағытындағы жобаларды жүзеге асыру мәселелері бойынша келісімдер жасау көзделген»-деп баяндады ғалым.
Түркістан облысының Өңірлік коммуникациялар қызметі
Арыстық жас құсбегі Махмұтхан Заки «Шығыс салбурын – 2026» І Азия кубогында топ жарды. Шығыс Қазақстан облысы, Ұлан ауданының Бозанбай ауылында өткен мәдени-этноспорттық фестивальге 10 мемлекеттің құсбегілері қатысты. Екі күнге созылған дүбірлі додада ұлттық спорт түрлері дәріптеліп, қатысушылар өзара бақ сынады. Фестиваль аясында жігіттер асау үйретіп, саятшылар қыран құстарын баптау мен аңға салудағы өнерлерін көрсетті.
Жарыста «Арыс» спорт клубының саятшылық бөлімінің жаттықтырушысы, белгілі құсбегі Мәди Қалходжаевтың шәкірті Махмұтхан Заки «Текелі» лақап атымен танылған қаршығасымен жоғары нәтиже көрсетіп, қарсыластарынан озып шықты. Осылайша, жас саятшы І Азия кубогының жеңімпазы атанды.
Түркістан облысының Өңірлік коммуникациялар қызметі
25 қазанда Түркістан қаласында «Бірінші болу – батылдық» корпоративтік қоры ұйымдастыратын бесінші «Turkistan Marathon» халықаралық жүгіру жарысы өтеді. Республика күніне орай ұйымдастырылатын спорттық іс-шараға әлемнің 20-дан астам елінен 3 000 қатысушы келеді. Жарыстың сөресі мен мәресі «Keruen Saray» кешенінің маңында орналасады. Қатысушылар - 42,2 шақырымдық толық марафон, 21,1 шақырымдық жартылай марафон, 10 шақырым жүгіру, 10 шақырым скандинавиялық жүріс және балаларға арналған 3 шақырым қашықтық бойынша бақ сынайды.
Халықаралық марафон - Түркістанның туристік әлеуетін арттырып, қала экономикасының дамуына серпін береді. Айта кетейік, «Turkistan Marathon» жарысы - халықаралық марафондар мен жүгіру жарыстары қауымдастығының (AIMS) күнтізбесіне енгізілген. Жарыс жолы «World Athletics» стандарттарына сәйкес сертификатталған. Іс-шара Түркістан облысы әкімдігінің қолдауымен өтеді. Жарысқа тіркелу almaty-marathon.kz сайты арқылы жүргізіледі.
Түркістан облысының Өңірлік коммуникациялар қызметі
Республика күні мен Қала күні қарсаңында Түркістан қаласында «Ынтымақ» емдеу орталығы пайдалануға берілді. Заманауи талаптарға сай салынған екі қабатты нысан 30 мыңға дейін тұрғынға медициналық қызмет көрсетуге арналған. Орталықта кардиолог, офтальмолог, хирург, невролог, педиатр және басқа да бейінді мамандар қабылдау жүргізеді. Сонымен қатар, заманауи диагностикалық кабинеттер мен 11 орындық күндізгі стационар қарастырылған.
Ашылу салтанатында Түркістан қаласының әкімі Әзімбек Пазылбекұлы тұрғындар сұранысын ескеріп, медициналық көмектің қолжетімділігін арттырудың маңызын атап өтті. Айта кетейік, орталыққа тіркелген тұрғындар МӘМС жүйесі аясында медициналық қызметтерді белгіленген тәртіппен ала алады.
Түркістан облысының Өңірлік коммуникациялар қызметі
Түркістан облысының Ордабасы ауданындағы Темірлан елді мекенінде мал сүйегінен май және желатин компоненттерін өндіретін зауыт іске қосылды. Ірі қара мал сүйегін кәдеге жаратып, одан қосылған құны жоғары өнім өндіретін жаңа кәсіпорынды іске қосуға «Huating Biotechnology Co., LTD» ЖШС 9 млрд теңге қаржы бағыттаған.
🔰Кәсіпорынның ашылу салтанатына Түркістан облысының әкімі Нұралхан Көшеров қатысып, жаңа кәсіпорынның жұмысына сәттілік тіледі. Облыс басшысы өндіріс орындарының ашылуы өңір экономикасын әртараптандыруға, инвестиция тартуға және жаңа жұмыс орындарын құруға мүмкіндік беретінін атап өтті.
📌– Баршаңызды келе жатқан ұлттық мерекеміз – Республика күнімен шын жүректен құттықтаймын! Осы мереке қарсаңында ірі қара мал сүйегінен май және пептон компоненттерін өңдейтін «Huating Biotechnology» зауытының ашылуына куә болып отырмыз. Мемлекет басшысы Қасым-Жомарт Кемелұлы Тоқаев еліміздің өнеркәсіптік әлеуетін арттыру және ауыл шаруашылығы өнімдерін терең өңдеуді дамытуды тапсырған болатын. Заманауи технологияларды енгізе отырып, шикізатты дайын өнімге дейін өңдеу – өңір экономикасын дамытудың маңызды бағыттарының бірі. Түркістан облысы – мал шаруашылығы жақсы дамыған өңір болғанымен, біз оның әлеуетін толық пайдаланбай келеміз. Біздің міндетіміз – мал шаруашылығы өнімдерін өндірумен ғана шектелмей, оларды терең өңдеу арқылы қосымша экономикалық құндылық қалыптастыру. Бүгінгі бастама алдағы уақытта толыққанды өндіріс орнына айналып, осы жоба аясында тері өңдеу және желатин өндіру жоспарлануда. Бұл жоба өңіріміздің өнеркәсіптік әлеуетін нығайтуға үлес қосады деп сенемін. Осы сәтті пайдаланып, маңызды жобаны жүзеге асыруға үлес қосқан арнайы Чжао Сюйдун мырзаға және «Huating Biotechnology» компаниясының басшылығы мен ұжымына алғысымды білдіремін. Басталған іс сәтті жүзеге асып, кәсіпорын ұжымына табыс пен береке әкелсін! – деді Нұралхан Оралбайұлы.
«Tangshan Huating Porcelain Co., LTD» компаниясының бас директоры Чжао Сюйдун облыс әкімдігіне жобаны жүзеге асыруға көрсетілген қолдау үшін алғыс білдіріп, өңірдегі өндірістік әлеуетті дамытуға бағытталған жоспарларымен бөлісті.
🔰Кәсіпорынға Ордабасы ауданының Темірлан елді мекенінен «Түркістан» әлеуметтік-кәсіпкерлік корпорациясы» АҚ арқылы 10 гектар жер учаскесі берілді. Жобаның бірінші кезеңіне 2,5 млрд теңге инвестиция салынды. Компания алғашқы кезеңде пептон компоненттерін өндіруді жоспарласа, алдағы уақытта желатин компоненттерін өндірмек.
🔰Қазіргі таңда кәсіпорында құрылыс-монтаждау жұмыстары толық аяқталып, негізгі технологиялық жабдықтар орнатылды. Кәсіпорынның жобалық қуаттылығы – жылына 5 мың тонна өнім. Өндіріс орнының іске қосылуы нәтижесінде 100 жаңа жұмыс орны ашылмақ.
🔰Айта кетейік, пептон – биотехнология, микробиология және фармацевтика салаларында қолданылатын маңызды компонент. Оны өндіру ауыл шаруашылығы шикізатын тиімді пайдалануға және өңдеу өнеркәсібінде жаңа өндірістік бағытты қалыптастыруға мүмкіндік береді.
🔰Іс-шара барысында лента қию рәсімі өтіп, қатысушылар кәсіпорынның өндірістік нысандарын аралады. Зауыттың жұмыс барысымен компания басшысы таныстырып, өндірістің ерекшеліктері туралы мәлімет берді.
🔰Жаңа кәсіпорынның іске қосылуы Түркістан облысында өңдеу өнеркәсібін дамытуға, ауыл шаруашылығы шикізатын ұтымды пайдалануға және инвестициялық ахуалды нығайтуға бағытталған жұмыстардың нәтижесі.
Түркістан облысы әкімінің баспасөз қызметі
____
В ТУРКЕСТАНСКОЙ ОБЛАСТИ ЗАПУЩЕН ЗАВОД ПО ПЕРЕРАБОТКЕ КОСТЕЙ СКОТА СТОИМОСТЬЮ 9 МЛРД ТЕНГЕ
📍В населенном пункте Темирлан Ордабасинского района Туркестанской области запущен завод по производству жира и желатиновых компонентов из костей скота. На запуск предприятия, которое будет утилизировать кости крупного рогатого скота и производить продукцию с высокой добавленной стоимостью, Т…
Түркістан облысы Ордабасы ауданындағы Ақбұлақ елді мекенінде құрылыс индустриясын дамытуға бағытталған алюминий композиттік панельдер өндіретін зауыты ашылды. Заманауи технологияларға негізделген кәсіпорын отандық құрылыс материалдарының өндірісін дамытуға және ішкі нарықтағы сұранысты қамтамасыз етуге мүмкіндік береді.
🔰Кәсіпорынның ашылу салтанатына Түркістан облысының әкімі Нұралхан Көшеров қатысып, жаңа өндіріс орнының ашылуымен құттықтады.
📌– Баршаңызды келе жатқан ұлттық мерекеміз – Республика күнімен шын жүректен құттықтаймын! Республика күні – елдігімізді айшықтап, тәуелсіздігімізді нығайта түсетін айрықша мереке. Осы ұлы мереке қарсаңында алюминий композиттік панельдер өндіретін заманауи зауыттың ашылуына куә болып отырмыз. Бұл – Түркістан облысының өнеркәсіптік әлеуетін арттырып, өңір экономикасына тың серпін беретін маңызды жоба. Мемлекет басшысы Қасым-Жомарт Кемелұлы Тоқаев өңірлерге инвестиция тарту, жаңа жұмыс орындарын ашу және отандық өндірісті дамытуға ерекше мән беріп келеді. Бүгін іске қосылып отырған жаңа кәсіпорын – осы тапсырманы жүзеге асырудың нақты нәтижесі. Жаңа өндіріс орны құрылыс саласына қажетті алюминий композиттік панельдерін отандық өндірісте шығарып, жылына 3 млн шаршы метр өнім шығарылатын болады. Бұл еліміздің құрылыс индустриясын сапалы отандық өніммен қамтамасыз етуге, импортқа тәуелділікті азайтуға және ішкі нарықтағы сұранысты өтеуге бағытталған маңызды бастама. Алдағы уақытта кәсіпорынның өнімін Орталық Азия елдері мен Ресей нарығына экспорттау жоспарлануда. Осы сәтті пайдаланып, маңызды жобаны жүзеге асыруға үлес қосқан «Nur Group» компаниясының басшылығы мен ұжымына және барша атсалысқан азаматтарға алғысымды білдіремін. Бүгін іске қосылған зауыттың жұмысына табыс, тұрақты өндіріс, мол өнім және отандық өндірістің дамуына елеулі үлес қосады деп сенемін, – деді облыс әкімі.
🔰Салтанатты рәсім барысында ауыл ақсақалдары лента қиып, жаңа кәсіпорынның жұмысына ақ батасын берді.
🔰Одан кейін облыс әкімі зауыттың өндірістік нысандарын аралап, технологиялық жабдықтардың жұмысымен танысты. Кәсіпорынның қызметі мен өндіріс барысын «Nur group» ЖШС директоры Абдулла Мухитдин таныстырды.
🔰Жобаның инвестициялық құны – 2,9 млрд теңге. Кәсіпорын жылына 3 млн шаршы метр алюминий композиттік панель өндіруге қауқарлы. Зауытта 50 адам жұмыспен қамтылады.
🔰Жобаны жүзеге асыру үшін Ордабасы ауданының Ақбұлақ елді мекенінен «Түркістан» әлеуметтік-кәсіпкерлік корпорациясы» АҚ арқылы 3,9 гектар жер телімі берілді. Қазіргі таңда құрылыс-монтаждау жұмыстары толық аяқталып, негізгі технологиялық жабдықтар орнатылған.
🔰Алюминий композиттік панельдер құрылыс нысандарының қасбеттерін қаптауда және ғимараттардың сыртқы келбетін әрлеуде кеңінен қолданылады. Сондықтан жаңа кәсіпорынның іске қосылуы құрылыс материалдарын өндіру саласының дамуына серпін беріп, отандық өнім үлесін арттыруға мүмкіндік береді. Сондай-ақ өңірге инвестиция тартуға және халықты тұрақты жұмыспен қамтуға үлес қосады.
Түркістан облысы әкімінің баспасөз қызметі
___
В ТУРКЕСТАНСКОЙ ОБЛАСТИ ОТКРЫЛСЯ ЗАВОД ПО ПРОИЗВОДСТВУ АЛЮМИНИЕВЫХ КОМПОЗИТНЫХ ПАНЕЛЕЙ
📍В населенном пункте Акбулак Ордабасинского района Туркестанской области открылся завод по производству алюминиевых композитных панелей, направленный на развитие строительной индустрии. Предприятие с современными технологиями позволит развивать производство отечественных строительных материалов и обеспечивать спрос на внутреннем рынке.
🔰В церемонии открытия предприятия принял участие аким Туркестанской области Нуралхан Кушеров.
📌– От всей души поздравляю всех с наступающим национальным праздником – Днем Республики! Это особый праздник, который демонстрирует нашу государственность и укрепляет независимость. Накануне этого важного праздника мы станови…
Жапонияның Айчи префектурасы мен Нагоя қаласында өтіп жатқан V Азия Пара ойындарында Түркістан облысының спортшысы Ақтолқын Сейілбекова пара дзюдодан топ жарып, алтын медаль иеленді.
70 келіге дейінгі салмақ дәрежесінде белдескен отандасымыз қарсыластарынан басым түсіп, жоғары шеберлігі мен қайсар мінезін танытты. Осылайша, Ақтолқын құрлықтық додада Қазақстан қоржынына алтын жүлде салып, ел мерейін үстем етті.
Бұл – спортшымыздың табанды еңбегі мен тынымсыз дайындығының жемісі, сондай-ақ Түркістан облысы спортының кезекті жарқын жетістігі.
Ақтолқын Сейілбекованы тарихи жеңісімен шын жүректен құттықтаймыз! Алдағы жарыстарда да биік белестерді бағындырып, көк Туымызды асқақтата беруіне тілектеспіз!
🇰🇿 Жеңіс құтты болсын!
Түркістан облысында Мемлекет басшысы Қасым-Жомарт Тоқаевтың инфрақұрылымды жақсарту тапсырмасымен әлеуметтік нысандар саланып жатыр. Республика күні қарсаңында Сарыағаш қаласында күрделі жөндеуден өткен 1000 орындық орталық стадион ел игілігіне берілді.
Спорт нысанының ашылу салтанатында Түркістан облысының әкімі Нұралхан Көшеров тұрғындарды нысанның ашылуымен құттықтап, өңірде спорт инфрақұрылымын дамыту бағытында атқарылып жатқан жұмыстарға тоқталды.
– Ел бірлігі мен ынтымағын ұлықтайтын мерекеде орталық стадион күрделі жөндеуден өтіп, ел игілігіне беріліп отыр. Баршаңызды осы айтулы оқиғамен шын жүректен құттықтаймын! Мемлекет басшысы Қасым-Жомарт Кемелұлы Тоқаев спортты дамытуға, заманауи инфрақұрылым қалыптастыруға және жастарға қолайлы жағдай жасауға ерекше мән беріп келеді. Осы бағытта өңірімізде жүйелі жұмыстар іске асырылуда. Биыл жалпы құны 11,3 млрд. теңгеге 58 спорт нысанының құрылысы жүргізілуде. Былтырғы кездесуде өздеріңіз стадион мәселесін көтерген едіңіздер. Бүгінде халықтың осы өтініші орындалып, стадион толық жаңғыртудан өтті. Стадионда жасанды жабынды футбол алаңы, 400 метрлік жүгіру жолағы, шағын футбол, стрит-воркаут алаңшалары салынып, заманауи жарықтандыру жүйесімен қамтамасыз етілді. Жаңарған нысан болашақ чемпиондарды тәрбиелеуге, сондай-ақ аудандық, облыстық және республикалық жарыстарды өткізуге мүмкіндік береді. Біздің басты мақсатымыз – спортты баршаға қолжетімді етіп, өңірдің спорттық әлеуетін арттыру. Бұл бағыттағы жұмыстар алдағы уақытта да жалғасын табады. Осы жерден көк туымызды биікке көтеретін талай чемпиондар шығып, еліміздің атын дүниежүзіне танытады деп сенемін, – деді Нұралхан Оралбайұлы.
Сарыағаш қаласының орталық стадионын жаңғырту және спорттық инфрақұрылымды дамыту мақсатында күрделі жөндеу жұмыстары жүргізіліп, нысан қайта пайдалануға берілді. Жалпы аумағы 1,5 гектарды құрайтын стадионды күрделі жөндеуден өткізуге 807, 5 миллион теңге қаржы бөлінген. Тапсырыс беруші – Түркістан облысының дене шынықтыру және спорт басқармасы. Мердігер мекеме – «БИБО-строй» ЖШС. Жөндеу жұмыстары аясында көрермендерге арналған 1 000 орын жаңартылып, трибуналардың үсті жабылған. Сонымен қатар мүмкіндігі шектеулі азаматтарға арналған 20 арнайы орын қарастырылған. Футбол алаңына жасанды газон төселіп, жаңа жүгіру жолағы салынды. Бұдан бөлек, воркаут алаңшасы мен кіші футбол алаңы жаңадан салынды. Жаңғыртылған стадион қала тұрғындарының, әсіресе жастардың спортпен тұрақты айналысуына, спорттық шеберліктерін арттыруына және түрлі деңгейдегі жарыстар өткізуге мүмкіндік береді. Алдағы уақытта орталық стадионда 5 жаттықтырушының жетекшілігімен 200-ге жуық оқушы спортпен шұғылданады.
Түркістан облысы әкімінің баспасөз қызметі
____
ТУРКЕСТАН: НАКАНУНЕ ДНЯ РЕСПУБЛИКИ В САРЫАГАШЕ ВВЕДЕН В ЭКСПЛУАТАЦИЮ ЦЕНТРАЛЬНЫЙ СТАДИОН НА 1000 МЕСТ, ПРОШЕДШИЙ КАПИТАЛЬНЫЙ РЕМОНТ
В Туркестанской области по поручению Главы государства Касым-Жомарта Токаева в целях улучшения инфраструктуры строятся социальные объекты. Накануне Дня Республики в городе Сарыагаше ввели в эксплуатацию центральный стадион на 1000 мест, прошедший капитальный ремонт.
На церемонии открытия спортивного объекта аким Туркестанской области Нуралхан Кушеров поздравил жителей с открытием объекта и рассказал о проводимой в регионе работе по развитию спортивной инфраструктуры.
– В праздничный день, прославляющий единство и согласие страны, после капитального ремонта вводится в эксплуатацию центральный стадион. От всей души поздравляю всех с этим знаменательным событием! Глава государства Касым-Жомарт Кемелевич Токаев уделяет особое внимание развитию спорта, формированию современной инфраструктуры и созданию благоприятных условий для молодежи. В этом направлении …
Түркістан облысының әкімі Нұралхан Көшеров Сарыағаш ауданының тұрғындарымен кездесті. Кездесу барысында өңірдің даму мүмкіндіктері мен алдағы міндеттер айтылды. Жиын ашық диалог форматында жалғасып, тұрғындар өздерін толғандырған сауалдарын қойып, ұсыныстарын жеткізді.
Нұралхан Көшеров, ең алдымен, Сарыағаш ауданының әлеуметтік-экономикалық даму көрсеткіштері бойынша атқарылған жұмыстар мен қол жеткізілген нәтижелер туралы баяндады.
– Өздеріңіз білетіндей, Мемлекет басшысының Жарлығына сәйкес, облыс әкімдеріне барлық аудандардың тұрғындарымен кездесіп, мәселелерді ашық диалог алаңында шешу тапсырылған болатын. Осыған сәйкес, бүгін елімізде жылыжай шаруашылығы дамыған, емдік шипажайларымен ерекшеленетін саялы Сарыағаш өңірінің тұрғындарымен жүздесіп отырғаныма қуаныштымын. Ауданның негізгі әлеуметтік-экономикалық даму көрсеткіштерінде оң өсім байқалады. Жалпы өңірлік өнім көлемі 2026 жылдың 9 айында 379,5 млрд теңгені құрап, өткен жылдың тиісті кезеңімен салыстырғанда 144 пайызға артты. Өнеркәсіп өнім көлемі 27,5 млрд теңгеге жетіп, өткен жылдың тиісті кезеңімен салыстырғанда нақты көлем индексі 111,1 пайызға артты. Оның ішінде, өңдеу өнеркәсібі өнімінің көлемі 16,2 млрд теңгені құрап, нақты көлем индексі 111,3 пайызға өсті. Негізгі капиталға бағытталған инвестиция көлемі 49,5 млрд теңгені құрап, өткен жылдың тиісті кезеңімен салыстырғанда нақты көлем индексі 86,9 пайызды құрады. Пайдалануға берілген тұрғын үй 49,4 мың шаршы метрді құрап, нақты көлем индексі 103,1 пайызға өсті. Ауыл шаруашылығы өнімінің көлемі 122,2 млрд теңгені құрап, өткен жылдың тиісті кезеңімен салыстырғанда 107,7 пайызға артты. Былтыр өздеріңізбен кездесуде көтеріліп, өзекті мәселе болып келген «Самал-3» шағынауданын ауыз сумен қамту жұмыстарын осы жылдың соңына дейін аяқтау жоспарлануда. Сондай-ақ Дарбаза ауылдық округіндегі Құрысай, Тасқұдық және Сарысу елді мекендерін табиғи газбен қамтамасыз етеміз. Нәтижесінде жыл қорытындысы бойынша ауданда ауыз сумен қамту деңгейі 100 пайызға, табиғи газбен қамту деңгейі 92 пайызға жеткізіледі. Сарыағаш қаласындағы А-15 автомобиль жолының бойын жарықтандыру және абаттандыру жұмыстары жыл соңына дейін аяқталады. Аудан аумағында жыл соңына дейін 18 елді мекенде 31 балалар ойын және спорт алаңшалары ел игілігіне беріледі. Мемлекет басшысының тапсырмасына сәйкес, облыста «Дарбаза-Мақтаарал» теміржол желісінің құрылысы жүргізілуде. Сонымен қатар Сарыағаш қаласы маңындағы көлік қозғалысы тығыздығын азайту мақсатында ұзындығы 102 шақырымды құрайтын Сарыағаш айналма жолының құрылысы қарқынды жүргізілуде. Нысанды 2029 жылы пайдалануға беру жоспарланған. Бұл жетістіктер – ең алдымен, аудан тұрғындарының бірлігі мен ынтымағының, сондай-ақ мемлекеттік бағдарламалардың жүйелі жүзеге асырылуының нақты нәтижесі. Бүгінгі таңда тұрғындар тарапынан көтерілген бірқатар өзекті мәселелер шешімін табуда. Біздің басты мақсатымыз – облыстың барлық аудан, қалаларының экономикалық өсімін қамтамасыз ету, инвестиция тарту, жаңа жұмыс орындарын ашу арқылы облыс тұрғындарының өмір сүру деңгейін көтеру. Баршаңызды осы жолда бірлесіп, аянбай еңбек етуге шақырамын, – деді облыс әкімі Нұралхан Көшеров.
Облыс әкімі Сарыағаш ауданыныі ауыл шаруашылығы, сауда, туризм және кәсіпкерлік салаларында әлеуеті жоғары екенін атап өтіп, аудан әкіміне алдағы уақытта тұрғындардың
әл-ауқатын арттыру, жаңа инвестициялық жобаларды іске асыру, жұмыс орындарын көбейту және ауданның даму көрсеткіштерін жақсарту бағытындағы жұмыстарды күшейтуді тапсырды.
Тұрғындардың әлеуметтік жағдайын жақсарту және қолайлы ортаны қалыптастыру мақсатында аудан аумағында бірқатар маңызды жобалар іске асырылып, ел игілігіне табысталуда. Атап айтқанда, өткен жылы «Ауыл – Ел бесігі» жобасы аясында Дербісек және Дарбаза елді мекендерінде 1,1 млрд теңгеге 32 көшеге орташа жөндеу жұмыстары жүргізілді.
«Келешек мектептері» жобасы аясында Сарыағаш қаласында, Жаскешу және Дербісек елді мекендерінде 900 орындық мектептер пайдалануға берілді. Сарыағаш қаласында 600 орындық оқушылар сарайының құрылысына облыстық бюджеттен қаржы қаралып, келесі жылдың І жартыжылдығында ел игілігіне тапсыру жоспарлануда.
Инженерлік инфрақұрылымды дамыту бағытында 9 елді мекен ауыз сумен, 8 елді мекен табиғи газбен, 8 елді мекен сапалы электр энергиясымен қамтылды. Бұл бағыттағы жұмыстар биыл да жалғасуда. Атап айтқанда, осы жылдың басында «Келешек мектептері» жобасы аясында Сарыағаш қаласында 300 орындық мектеп пайдалануға берілді. Мәдениет, Шеңгелді елді мекендерінде кітапханасы бар 75 орындық мәдениет үйлері ел игілігіне тапсырылды. Бүгін Жонарық елді мекенінде 200 орындық мәдениет үйі ашылды.
Кездесу барысында Нұралхан Оралбайұлы тұрғындарды тазалық және көгалдандыру жұмыстарына атсалысуға шақырды.
– Мемлекет басшысының бастамасымен елімізде «Таза Қазақстан» экологиялық бағдарламасы нәтижелі іске асырылуда. Алайда, әлі күнге дейін қоғамдық орындарда аудан тұрғындары тарапынан қоқыстарды тастау фактілері жиі орын алып отыр. «Тазалық – жиналған жерде емес, сақталған жерде» деген қағиданы ұстанып, әрқайсыңызды өз аулаңыз бен көшелеріңізді таза ұстап, көгалдандыру жұмыстарына белсенді атсалысуға шақырамын, – деді ол.
Облыста тұрғындарды, кәсіпкерлік нысандарын, іргелес аумақтарын абаттандыруға ынталандыру мақсатында 2024 жылдан бастап «Үлгілі ауыл» облыстық конкурсы ұйымдастырылып келеді. Аталған облыстық конкурста соңғы екі жылда Сарыағаш ауданынан Мәдениет және Қызылжар ауылдары жүлдегерлер қатарынан табылды. Нәтижесінде, кезектен тыс бюджет қаражаты есебінен 2024 жылы 2-орын иеленген Мәдениет ауылына спорт алаңшасы пайдалануға берілсе, 2025 жылы 1-орын иеленген Қызылжар ауылында спорт кешенінің құрылысы жыл соңына дейін аяқталып, ел игілігіне табысталады. Осындай әлеуметтік нысандар облыстағы басқа да үздік болған ауылдарда салынып жатыр. Биыл да осы бастама жалғасады.
Былтыр облыс әкімінің халықпен кездесуінде көтерілген өзекті мәселелер бақылауға алынып, оларды шешу бойынша іс-шаралар жоспары бекітілген. Өткен жылғы кездесуде тұрғындар тарапынан 42 мәселе көтеріліп, оның 38 орындалды, 2 орындалу үстінде. Аталған мәселелер бойынша аудан әкімі Арман Абдуллаев жауап беріп, атқарылып жатқан жұмыстар бойынша тоқталды.
Жиын баяндамадан кейін сұрақ-жауап форматында жалғасты. Тұрғындар облыс әкіміне өздерін толғандырған мәселелер бойынша сұрақтарын қойып, ұсыныс-пікірлерін жеткізді. Облыс әкімі мен жауапты сала басшылары көтерілген мәселелерге қатысты түсініктеме беріп, оларды шешу жолдарын қарастырды.
Кездесу соңында Нұралхан Көшеров аудан тұрғындарын жеке мәселелері бойынша қабылдады. Қабылдау барысында азаматтардың өтініштері тыңдалып, әрбір мәселе бойынша тиісті жауаптар берілді.
Түркістан облысы әкімінің баспасөз қызметі
___
НУРАЛХАН КУШЕРОВ ВСТРЕТИЛСЯ С ЖИТЕЛЯМИ САРЫАГАШСКОГО РАЙОНА
Аким Туркестанской области Нуралхан Кушеров встретился с жителями Сарыагашского района. В ходе встречи были о…