Қазақстан Республикасының Мемлекеттік қызмет істері агенттігінің Түркістан облысы бойынша департаментімен тапсырмасы негізінде Отырар ауданындағы мемлекеттік қызмет көрсетуші мекемелердегі көрсетілетін мемлекеттік қызметтердің сапасына мониторинг жұмыстары жүргізілді.
Қоғамдық мониторингте «Евгеника» қоғамдық бірлестігінің төрайымы Жания Әлшериева «Қоғам ауыл округі әкімінің аппараты» ММ мен «Халықты жұмыспен қамту орталығы» КММ-де болып, мемлекеттік қызмет көрсету барысымен және сапасымен танысып, заң нормаларына сәйкес талаптардың орындалуына баса назар аударды.
Мүмкіндігі шектеулі азаматтарға барынша қолайлы жағдай жасауды ұсынған қоғамдық бірлестік төрайымы аталмыш бағытта мемлекет тарапынан айрықша көңіл бөлінгенін жеткізді. Кейбір мәселелер бойынша кемшіліктердің орын алып тұрғандығын айта келе, орындалуына мән беруін сұранып, тиістілігіне қарай мерзім ұсынды.