Әдеттегіше, аптаны парақшамыздың #oqy&toqy айдарынан бастаймыз. Бүгін біз Қандас (оралман) мәртебесін ХҚО арқылы алу жолын көрсететін боламыз. Ондай болса, іске сәт:
Алдымен ХҚО-ға кезекті алдын-ала брондаңыз
Тіркеу бөліміне белгіленген уақыттан 20 минутқа ерте келіп, броныңызды растаңыз
Операторға келесі құжаттарды тапсыру арқылы қызметке өтініш қалдырыңыз
Мәртебені алу үшін:
Еркін түрде жазылған өмірбаян
Отбасы мүшелерінің әрқайсысының 3х4 көлемдегі екі-екіден суреттері
Мәртебені алушы барлық отбасы мүшелерінің жеке басын куәландыратын шетелдік құжаттарының аудармасының нотариалды расталған көшірмесі
Мәртебені ұзарту үшін осы құжаттармен қоса:
Қазақстан аумағында тұруға ықтиярхат
Өтініш
Мәртебе мерзімдері:
Қандас (оралман) мәртебесі 1 жылға жарамды. Бір жыл мерзім бітерде, ҚР азаматтығын алуға өтініш бересіз немесе мәртебені ұзартуыңыз қажет болады.
Қандас (оралман) мәртебесін ұзарту мерзімі 6 айды құрайды. Мерзім өткен соң қайта ұзартасыз немесе мәртебені алуға өтініш бересіз.
Қызмет көрсету уақыты құжат тапсырған күнді есептемегенде:
Мәртебені алуға 15 жұмыс күні
Мәртебені ұзартуға 5 жұмыс күні.
Ескерту, сурет пен өмірбаяннан басқа құжат, мәліметтерді сәйкестендіріп болған соң өзіңізге қайта қайтарылуы тиіс. Сондай-ақ құжаттардың қабылданғаны туралы ХҚО операторынан қолхат алуды ұмытпаңыз.
Ескерту, 2021 жылы 1 қаңтардан бастап ҚР ІІМ бұйрығымен "оралман" сөзі "қандас" деп өзгертіледі.