Аудан әкімі аппаратының басшысы, Әдеп жөніндегі уәкіл Біржан Әшір Әдеп нормаларын сақтау, сыбайлас жемқорлыққа қарсы іс-қимыл саласындағы заңнаманы түсіндіру мақсатында кездесу өткізді.
Кездесуге Отырар ауданы әкімдігіне қарасты дербес бөлім басшылары мен ауылдық округ әкімдері қатысып, олардың пікірлері мен ұсыныстары тыңдалды.
Алдымен, Президент Жарлығымен бекітілген Әдеп нормаларын сақтау, Әдеп кодексіндегі адалдық, ашықтық, адал ниеттілік, сыпайылық, клиентке бағдарлану мәселелеріне тоқталды. Сонымен қатар, сыбайлас жемқорлық тәуекелдерін азайтуға, қоғамның мемлекеттік органдар қызметіне сенімін арттыруға бағытталған құқықтық, әкімшілік және ұйымдастырушылық шаралар және қолданыстағы Заңға сәйкес жүргізіліп жатқан өзге де шараларды талдап өтті.
Кездесуде Біржан Отарбайұлы Отырар ауданы әкімдігі Әдеп жөніндегі уәкілінің жұмыс жоспары бекітілгенін, жоспарға сай біршама мәселелерді басты назарға алғанын бас айтып өтті. Атап айтар болсақ, мемлекеттік мекеме теңгеріміндегі мүліктерге жапкершіліпен қарау, мемлекеттік қызметшілердің адал болу, әділдік пен туралықты ұстануы, олардың тарапына орын алатын құқықбұзушылықтардың алдын-алу бойынша жұмыс жүргізу ұсынылды.
Жиынды қорытындысымен сала басшылары мен ауылдық округ әкімдеріне нақты тапсырмалар жүктеліп, мемлекеттік қызметшілерді қоғамның жегіқұртына айналған сыбайлас жемқорлықтың алдын алуға шақырды.