Отырар ауданы әкімі аппаратының басшысы, Әдеп жөніндегі уәкіл Біржан Әшір ҚР Мемлекеттік қызмет істері агенттігі төрағасымен бекітілген үлгілік жұмыс жоспары аясында мемлекеттік қызметке алғаш рет қабылданған қызметшілерді жеке қабылдады.
Жеке қабылдауда Бекжан Әшімов, Жадыра Олжабаева, Нұрдәулет Төребековтерді қабылдап, қызметтік әдеп нормаларымен, мекеменің ішкі тәртібімен, ұжымдық мәдениетпен және т.б. ережелермен таныстырды.
Мемлекеттік қызмет саласына Нұрдәулет Төребеков пен Жадыра Олжабаевалар алғаш рет қадам басса, Бекжан Әшімов 6 жыл үзіліс салып қайта оралды. Біліктілігі жоғары, түрлі салада тәжірибесі шыңдалған маман аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінде бас маман қызметін атқарады.
2023 жылдың ІV тоқсанында Отырар ауданы әкімдігіне қарасты дербес бөлімдер мен ауылдық округ әкімі аппараттарындағы бос лауазымдық орындарға 6 азамат қабылданған. Аталған азаматтар біліктілік талаптарына сәйкес конкурстық комиссияның оң қорытындысы бойынша жұмысқа орналасқан.