Отырар ауданы әкімдігінің жанындағы сыбайлас жемқорлыққа қарсы іс-қимыл мәселелері жөніндегі комиссиясының 2025 жылғы ІІ тоқсандағы кезекті мәжілісінің № 2 хаттамасы

Отырар ауданы әкімдігінің жанындағы сыбайлас жемқорлыққа қарсы іс-қимыл мәселелері жөніндегі комиссиясының 2025 жылғы ІІ тоқсандағы кезекті мәжілісінің

№ 2 хаттамасы

 

Аудан әкімі аппаратының                                                13 маусым 2025 ж.

мәжіліс залы                                                                       сағ: 17-00

 

Мәжіліс төрағасы: Аудан әкімінің орынбасары, аудан әкімдігінің жанындағы Сыбайлас жемқорлыққа қарсы іс-қимыл мәселелері жөніндегі ведомствоаралық комиссия төрағасының орынбасары – Құлмаханов Айдос Құлмаханұлы.

Мәжіліске қатысушылар: Отырар ауданы әкімдігінің жанындағы Сыбайлас жемқорлыққа қарсы іс-қимыл мәселелері жөніндегі комиссия мүшелері  /тізім бойынша/.

        

Күн тәртібіндегі мәселелер:

 

  1. Дене шынықтыру және спорт саласындағы сыбайлас жемқорлықтың алдын алу бағытында атқарылып жатқан жұмыстар туралы.                    

         Баяндамашы: Отырар аудандық мәдениет, тілдерді дамыту, дене шынықтыру және спорт бөлімінің басшысы Құттыбай Сағынтай Тәтібайұлы;.

  1. Әлеуметтік қолдау саласында сыбайлас жемқорлықтың алдын алу бағытында атқарылып жатқан жұмыстар туралы. Баяндамашы: Отырар аудандық жұмыспен қамту және әлеуметтік бағдарламалар бөлімінің басшысы Қуатбеков Жандос Сәбитұлы.
  2. Тұрғын үйлердің қазіргі жай-күйі, коммуналдық шаруашылық бағытындағы атқарылып жатқан жұмыстары туралы. Баяндамашы: Отырар аудандық тұрғын үй-коммуналдық шаруашылық, жолаушылар көлігі және автокөлік жолдары бөлімінің басшысы Нәлібай Саттар Жұмаділләұлы.

 

Аудан әкімдігінің жанындағы Сыбайлас жемқорлыққа қарсы іс-қимыл мәселелері жөніндегі комиссиясының мүшелері кезекті өткізілген мәжілістің қорытындысы бойынша төмендегідей хаттамалық ШЕШІМ ҚАБЫЛДАДЫ:

 

  1. Аудан әкімінің орынбасарлары, дербес бөлім басшылары

мен ауыл округі әкімдеріне:

         1.1 Қазақстан Республикасы Президентінің 2022 жылғы 2 ақпандағы № 802 Жарлығымен бекітілген Қазақстан Республикасының сыбайлас жемқорлыққа қарсы саясатының 2022-2026 жылдарға арналған тұжырымдамасының жергілікті атқарушы органдарға қатысты тармақтарының толық орындалуын қамтамасыз етсін.

Орындау мерзімі: тұрақты.          

  1. Аудандық мәдениет, тілдерді дамыту, денешынықтыру және спорт бөлімі (С.Құттыбай):

2.1. Сыбайлас жемқорлыққа қарсы мәдениетті арттыру мақсатында ауылдық округтердегі мәдениет үйлерінде театрландырылған қойылымдар жүргізілсін.

Орындау мерзімі: 2025 жылдың 1 қарашаға дейін.                                                                               

  1. Аудан әкімінің орынбасары А.Құлмаханов, Аудандық жұмыспен қамту және әлеуметтік бағдарламалар бөлімі (Ж.Қуатбеков):

3.1. Алдағы уақытта мүмкіндігі шектеулі азаматтарды мемлекеттен қарастырылған заттар және құрылғылармен қамтамасыз ету барысында сыбайлас жемқорлық деректеріне жол бермеу үшін нақты шаралар қабылдансын. Орындау мерзімі: Тұрақты.

3.2. Мемлекеттен көрсетілетін жеңілдіктер мен көмектер туралы бұқаралық ақпарат құралдары арқылы халықты кеңінен хабардар ету мәселелері қамтамасыз етілсін. Орындау мерзімі: Тұрақты.

3.3. Осы мағынада халықты хабардар ету және көрсетілетін қызметтерді насихаттайтын бейнеролик әзірлеп, әлеуметтік желілерге орналастыру жұмыстарын жүзеге асырсын.

        Орындау мерзімі: Тұрақты.

 

  1. Аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі (С.Нәлібай)

4.1. Аудандағы коммуналдық тұрғын үйлер тұрғындарының келісім шарттар негізінде мемлекет алдындағы міндеттемелерін мерзімінде және толық көлемде орындалуын қамтамасыз етсін.

Орындау мерзімі: Тұрақты.

 

4.2. Аудандық маңыздағы автожолдардың орташа жөндеу жұмыстарының жобалық сметалық құжаттарға сәйкес және сапалы жүргізілуі қадағалансын.

Орындау мерзімі: Тұрақты.

 

Комиссия төрағасының орынбасары                                                             А.Құлмаханов

 

 Хатшы                                                                                                                      А.Әмірхан                      

Дата публикации
09 июля 2025