ҚОРШАҒАН ОРТАҒА ӘСЕРДІ СКРИНИНГТІК БАҒАЛАУДЫ ҚАРАУ ТУРАЛЫ ХАБАРЛАНДЫРУ

 

ҚОРШАҒАН ОРТАҒА ӘСЕРДІ СКРИНИНГТІК БАҒАЛАУДЫ ҚАРАУ ТУРАЛЫ ХАБАРЛАНДЫРУ

Қазақстан Республикасы Экологиялық кодексінің 55-бабының 6-тармағына сәйкес Қазақстан Республикасының Экология және табиғи ресурстар министрлігіне (бұдан әрі – ҚР ЭТРМ) стратегиялық экологиялық бағалау жүргізу үшін мынадай құжаттар (бұдан әрі – СЭБ материалдары) келіп түсті:

  • құжаттың негізгі бағыттары мен оны іске асыру мерзімдері туралы ақпаратты қамтитын құжат жобасы – «Отырар ауданының Шытты ауылының құрылысын салу және аумақты жайластыру схемасын (оңайлатылған бас жоспарды) әзірлеу»;
  • «Отырар ауданының Шытты ауылының құрылысын салу және аумақты жайластыру схемасын (оңайлатылған бас жоспарды) әзірлеу» құжатын іске асыру жоспарланған аумақтың сипаттамасы;
  • «Отырар ауданының Шытты ауылының құрылысын салу және аумақты жайластыру схемасын (оңайлатылған бас жоспарды) әзірлеу» құжатын іске асыру кезінде қоршаған ортаға, адамдардың өміріне және (немесе) денсаулығына ықтимал әсердің жалпы сипаттамасы.

СЭБ материалдарын әзірлеуші: «ЮгГеоСтандарт» ЖШС.

СЭБ материалдарының тапсырыс берушісі: «Отырар ауданы әкімдігінің сәулет, құрылыс және қала құрылысы бөлімі» ММ.

СЭБ әзірлеуге жауапты орган: Отырар ауданының әкімдігі.

СЭБ материалдары бойынша қорытынды беруге уәкілетті орган: Қазақстан Республикасының Экология және табиғи ресурстар министрлігі.

Жұртшылықты (барлық азаматтар мен заңды тұлғаларды) төмендегі мәселелер бойынша өз ескертулері мен ұсыныстарын білдіруге шақырамыз:

  1. Бас жоспарды іске асыру қоршаған ортаға елеулі әсер етуі мүмкін бе? Егер мүмкін болса, қандай әсерлер және оларды не себепті елеулі деп есептейсіз?
  2. Бас жоспар бекітілгенге дейін қоршаған ортаға және халықтың денсаулығына қандай әсерлерді зерделеу қажет және неліктен?
  3. СЭБ жөніндегі есепте құжатты іске асырудың қоршаған ортаға және халықтың денсаулығына тигізуі мүмкін елеулі әсерлері туралы Сізді қызықтыратын барлық ақпарат қамтылған ба? Сізді қандай ақпарат қызықтырады және неліктен?
  4. Бас жоспарды іске асырудың қоршаған ортаға және халықтың денсаулығына ықтимал әсерлеріне байланысты өзге де ескертулеріңіз бен ұсыныстарыңыз бар ма?

Стратегиялық құжаттың қолданылу кезеңі: 2024–2040 жылдар.

Уәкілетті орган: Қазақстан Республикасының Экология және табиғи ресурстар министрлігі.

Ескертулер мен ұсыныстарды қабылдау рәсімін өткізу мерзімі: 2026 жылғы 25 қыркүйектен 8 қазанға дейін( Ескертулер мен ұсыныстарды қабылдаудың соңғы күні – 2026 жылғы 8 қазан).

Байланыс деректері:

Қазақстан Республикасының Экология және табиғи ресурстар министрлігі
Астана қаласы, Мәңгілік Ел даңғылы, 8.

Экологиялық мәдениет және саясат департаменті.

Телефондар: 8 (7172) 74-02-83, 8 (7172) 74-08-90.

Электрондық пошта:

Ескертулер мен ұсыныстарды жазбаша түрде Министрлік кеңсесінің k.kense@ecogeo.gov.kz электрондық пошта мекенжайына жолдауға болады.

Құжаттардың Министрлік кеңсесіне келіп түскенін +7 (7172) 74-08-44 телефоны арқылы міндетті түрде нақтылау қажет.

СЭБ материалдары мына интернет-ресурстарда орналастырылған:

  • Қазақстан Республикасы Экология және табиғи ресурстар министрлігінің ресми сайтында: «Қызмет» → «Негізгі құжаттар» → «Стратегиялық экологиялық бағалау» бөлімінде;

 

Дата публикации
25 сентября 2026