Отырар ауданы әкімдігінің жанындағы Сыбайлас жемқорлыққа қарсы іс-қимыл мәселелері жөніндегі комиссия мәжілісінің ХАТТАМАСЫ

Отырар ауданы әкімдігінің жанындағы Сыбайлас жемқорлыққа қарсы іс-қимыл мәселелері жөніндегі комиссия мәжілісінің

ХАТТАМАСЫ

 

Шәуілдір ауылы

№2

12 маусым 2026 жыл

 Сағ. 17:00

 

Төрағалық етуші:

 

Комиссия төрағасының орынбасары А.Құлмаханов

 

Мәжіліске қатысқандар - Сыбайлас жемқорлыққа қарсы іс-қимыл мәселелері жөніндегі комиссия мүшелері.

Күн тәртібінде қаралған мәселелер:

  1. Дене шынықтыру және спорт саласындағы көрсетілетін мемлекеттік қызметтерде сыбайлас жемқорлықтың алдын алу бағытында атқарылып жатқан жұмыстар туралы

Баяндамашы: Мәдениет, тілдерді дамыту, дене шынықтыру және спорт бөлімі.

  1. Жұмыспен қамту және әлеуметтік қолдау саласында көрсетілетін мемлекеттік қызметтерде сыбайлас жемқорлықтың алдын алу бағытында атқарылып жатқан жұмыстар туралы.

 Баяндамашы: Аудандық жұмыспен қамту және әлеуметтік бағдарламалар бөлімі.

  1. Тұрғын-үй коммуналдық шаруашылық, жолаушылар көлігі және автомобиль жолдары саласында көрсетілетін мемлекеттік қызметтерде сыбайлас жемқорлықтың алдын алу бағытында атқарылып жатқан жұмыстар туралы.

 Баяндамашы: Аудандық тұрғын үй-коммуналдық шаруашылық, жолаушылар көлігі және автокөлік жолдары  бөлімі.

Аудан әкімдігінің жанындағы Сыбайлас жемқорлыққа қарсы іс-қимыл мәселелері жөніндегі комиссияның мүшелері кезекті өткізілген мәжілістің қорытындысы бойынша төмендегідей хаттамалық ШЕШІМ ҚАБЫЛДАДЫ:

 

  1. Бөлім басшылары мен ауыл округі әкімдеріне:

1.1 Мемлекеттік қызметтерді көрсету барысында «Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасының 2013 жылғы 15 сәуірдегі Заңының талаптарын сақтауды етсін.

Орындау мерзімі: тұрақты.

 

  1. Аудандық мәдениет, тілдерді дамыту, денешынықтыру және спорт бөлімі:

2.1. Сыбайлас жемқорлық фактілерін болдырмау, алдын алу бағытында алдын алу бағытында ауылдық округтердегі мәдениет үйлерінде театрландырылған қойылымдар жүргізілсін.

Орындау мерзімі: 31.09.2026 жыл.                                                                     

  1. Аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі (С.Нәлібай)

3.1. ҚР "Тұрғын үй қатынастары туралы" Заңының 97 бабына және Қазақстан Республикасы Құрылыс және Тұрғын үй-коммуналдық шаруашылық істері агенттігі төрағасының 2011 жылғы 26 тамыздағы № 306 "Мемлекеттік тұрғын үй қорындағы тұрғын үйді пайдаланғаны үшін төлемақы мөлшерін есептеу әдістемесін бекіту туралы" бұйрығына сәйкес, «Отырар ауданының мемлекеттік тұрғын үй қорынан тұрғынжайды пайдаланғаны үшін төлемақы мөлшерін белгілеу туралы» НҚА жобасын әкімдікке ұсынуды ұйымдастырсын.

Орындау мерзімі: 31.07.2026 жыл.                      

3.2. Аудандағы коммуналдық тұрғын үйлер тұрғындарының келісім шарттар негізінде мемлекет алдындағы міндеттемелерін мерзімінде және толық көлемде орындалуын қамтамасыз етсін.

Орындау мерзімі: тұрақты.

 

  1. Аудандық жұмыспен қамту және әлеуметтік бағдарламалар бөлімі:
    • Отырар ауданы әкімдігінің «Белсенді ұзақ өмір» әлеуметтік қызметтер көрсету орталығы» коммуналдық мемлекеттік мекемесі көрсетіп келген Ұлы Отан соғысының қатысушыларына, соларға теңестірілген адамдарға және еңбек ардагерлеріне санаторий-курорттық емделуге – бір рет 40 (қырық) айлық есептік көрсеткіш мөлшерінде көрсетілетін әлеуметтік қызметті «Отырар ауданының жұмыспен қамту және әлеуметтік бағдарламалар бөлімі» мемлекеттік мекемесі өткізуін қабылдансын.

Орындау мерзімі: 31.07.2026 жыл.

  • Мемлекеттен көрсетілетін жеңілдіктер мен көмектер туралы бұқаралық ақпарат құралдары арқылы халықты кеңінен хабардар ету мәселелері қамтамасыз етілсін.

Орындау мерзімі: 31.07.2026 жыл.

  • Осы мағынада халықты хабардар ету және көрсетілетін қызметтерді насихаттайтын бейнеролик әзірлеп, әлеуметтік желілерге орналастыру жұмыстарын жүзеге асырсын.

Орындау мерзімі: 31.07.2026 жыл

        

 

Комиссия

төрағасының орынбасары                                 А. Құлмаханов

 

 

Хатшы                                                                        А. Әмірхан

                             

Дата публикации
29 июня 2026