GOV.KZ – Мемлекеттік органдардың цифрлық ресурстарының бірыңғай платформасы

Ақтөбе ауылында қоршаған ортаның тазалығын сақтау және елді мекенді абаттандыру мақсатында «Таза Қазақстан» экологиялық акциясы аясында жалпыхалықтық сенбілік ұйымдастырылды.
Іс-шараға ауыл тұрғындары мен ауыл аумағындағы барлық мекеме қызметкерлері белсене қатысып, туған жердің тазалығын сақтауға өз үлестерін қосты.
Сенбілік барысында ауыл аумағындағы қураған шөптер шабылып, көшелер мен қоғамдық орындар тазартылды. Сонымен қатар, шашылған қоқыстар жиналып, тұрмыстық қалдықтар белгіленген орындарға шығарылды. Айналаны абаттандыру және санитарлық тазалықты қамтамасыз ету бағытында бірқатар жұмыстар атқарылды.
«Таза Қазақстан» экологиялық акциясы – қоршаған ортаны қорғауға, елді мекендердің тазалығын сақтауға және тұрғындардың экологиялық мәдениетін қалыптастыруға бағытталған маңызды бастама.
Ақтөбе ауылының тұрғындары осындай игі бастамаларға белсенді қатысып, ауылдың таза, көрікті әрі жайлы болуына өз үлестерін қоса бермек.

🌿 

«Таза Қазақстан» республикалық экологиялық акциясы аясында Ақтөбе ауыл округі әкімшілігінің мамандары және учаскелік полиция инспекторының қатысуымен ауыл аумағындағы дүкен иелеріне түсіндірме жұмыстары жүргізілді.

Түсіндіру жұмыстарының барысында сауда нысандарының және үйлердің қасбеттерінің айналасын 5 метрге дейінгі қашықтықты таза әрі абаттандырылған күйде ұстау, санитарлық тазалық талаптарын сақтау, қоқыстарды белгіленбеген орындарға тастамау, дүкен маңындағы аумақтың тазалығына жауапкершілікпен қарау мәселелері түсіндірілді.

Қазақстан Республикасының Әкімшілік Құқықбұзушылық туралы Заңының 505-бабына сәйкес, "Қалалар мен елді мекендердің аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру" жағдайлары орын алса, ескерту жасауға немесе жеке тұлғаларға – жиырма, шағын кәсіпкерлік субъектілеріне немесе коммерциялық емес ұйымдарға – отыз, орта кәсіпкерлік субъектілеріне – қырық, ірі кәсіпкерлік субъектілеріне бір жүз айлық есептік көрсеткіш мөлшерінде айыппұл салуға әкеп соғады.

Сонымен қатар, мал ұрлығының алдын алу, интернет алаяқтықтан сақтану және дүкен иелеріне бейнебайланыс камераларын орнатуға ұсыныстар жасалды!
🌱 Таза ауыл – барша тұрғындарға ортақ жауапкершілік!
🤝 Тазалықты сақтау – әрқайсымыздың міндетіміз!

Ақтөбе ауыл округі әкімшілігі