«БЖЗҚ» АҚ 2024 жылы көрсеткен қызметтер саны бір жарым еседен аса көлемге артты

БЖЗҚ» АҚ (БЖЗҚ, Қор) 2024 жылы халыққа 43,1 млн астам қызмет көрсетті. Бұл
көрсеткіш 2023 жылмен салыстырғанда 1,5 еседен аса көлемге артық. 01.01.2023ж. бастап
31.12.2023ж. дейінгі уақыт аралығында БЖЗҚ 24.8 млн қызмет көрсеткен. 2024 жылы көрсетілген
қызметтердің жалпы санынан 23,6 млн астамы электрондық форматта, шамамен 17,6 млн. қызмет
автоматты түрде көрсетілген. Осылайша, автоматты, электрондық және қашықтан көрсетілген
қызметтердің үлесі жалпы көрсетілген қызметтер санының 96% тең болды. Күндізгі форматта 1,1
млн астам қызмет көрсетіліп, оның ішінде тікелей Қордың кеңселерінде 1,0 млн жуық қызмет
жүзеге асырылған.
Қазақстанда 2024 жылғы 1 қаңтардан бастап жұмыс берушінің міндетті зейнетақы
жарнасының (ЖМЗЖ) енгізілуіне, сондай-ақ "Ұлттық қор-балаларға" бағдарламасы шеңберінде
нысаналы талаптар мен нысаналы жинақтарды есепке алу және есептеу бойынша БЖЗҚ атқаратын
қызметтер түрінің көбеюіне байланысты автоматты режимде көрсетілетін қызметтер саны артты.
Ең алдымен – нысаналы талаптарға қатысушыларға шоттар (ЖЗШ/ШЗШ/НЖШ) ашып, карталар
шығару. Естеріңізге сала кетейік, барлық зейнетақы шоттары БЖЗҚ-ға бірінші жарна түскен кезде
автоматты түрде ашылады. Сондай-ақ, "Ұлттық қор-балаларға" бағдарламасының
қатысушыларына нысаналы талаптар мен нысаналы жинақтар автоматты түрде есептеледі.
2024 жылы шартты зейнетақы шоттарын (жұмыс берушінің ЖМЗЖ аударуы нәтижесінде
ашылатын ШЗШ) және нысаналы жинақтау шоттарын ("Ұлттық қор - балаларға" бағдарламасы
аясында ашылатын НЖШ) қоса алғанда, зейнетақы жарналарының барлық түрлері бойынша
автоматты режимде ашылған жеке зейнетақы шоттарының (ЖЗШ) жалпы саны 5,3 млн асып түсті.
Жеке зейнетақы шотынан, шартты зейнетақы шотынан (ШЗШ), сондай-ақ нысаналы
жинақтау шотынан (НЖШ) үзінді көшірме алу бұрынғысынша ең танымал қызмет санатында.
Жыл басынан бері ЖЗШ, ШЗШ, НЖШ-дан 26,5 млн астам үзінді көшірме берілді. Оның 21,5 млн
астамы - электрондық, ал 4,2 млн астамы автоматты түрде рәсімделді.
Салымшылардың (алушылардың) Қор сайтындағы және ұялы қосымшасындағы Жеке
кабинеттен үзінді көшірме алудан басқа өз деректемелеріне өзгерістер мен толықтырулар енгізу,
шотының бар екендігі туралы анықтама алу, 1 немесе 2 топтағы мүгедектіктің мерзімсіз уақытқа
белгіленуіне байланысты немесе ерікті зейнетақы жарналары бойынша зейнетақы төлемдерін
тағайындау туралы өтініш беру сияқты қызметтерді пайдалануға мүмкіндіктері бар. Сондай-ақ,
зейнетақы жарналарын төлеу туралы өтініштің мәртебесін қадағалау, инвестициялық портфельді
басқарушыға (ИПБ) жинақтардың бір бөлігін аудару, зейнетақы калькуляторының көмегімен
болашақ зейнетақыны болжамды есептеу және т.б. қызметтер әлемнің кез-келген нүктесінде 24/7
режимінде қолжетімді.
2024 жылы деректемелерді өзгертуге 195,2 мыңнан астам өтініш қабылданып, оның 178,2
мыңы Қордың кеңселерінде ұсынылды.
БЖЗҚ мамандарына қандай да бір қызмет түрі бойынша жүгіне отырып, салымшылар,
әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру
жұмыстары аясында 42,1 мыңнан астам көшпелі таныстырылым өткізіліп, оған 880,1 мың адам
қатысты. Бұқаралық ақпарат құралдарында БЖЗҚ хабарламалары бойынша 42,4 мыңнан астам
материал жарияланды.
Салымшылардың кері байланыс арналары бойынша түскен өтініштерінің саны шамамен
622,5 мың.
Естеріңізге сала кетейік, кез келген компания Қор кеңсесіне барып жинақтаушы зейнетақы
жүйесінің мәселелері бойынша таныстырылым мен кеңестер өткізуге өтінім бере алады. Ол үшін
1418 нөмірі бойынша байланыс орталығына қоңырау шалып, Қор сайты немесе ұялы қосымшасы
арқылы хабарласу қажет.
«БЖЗҚ» АҚ баспасөз орталығы
 
 
БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша
WhatsАpp және Viber чат-боттары) арқылы, 1418 нөмірі бойынша байланыс орталығынан
(Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram,
Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-
ның ресми парақшаларынан алуға болады.
Дата публикации
17 февраля 2025