ҚОЛДАЙМЫЗ, ҚУАТТАЙМЫЗ!
Қазақстан Республикасының Президенті Қ.Ж.Тоқаевтың Қазақстан халқына арнаған дәстүрлі жолдауын тағатсыздана күткеніміз рас. Өйткені бүгінгі күні Қазақстан халқы да әлем елдеріндегі ауыртпалықты өткеріп отырғаны анық.
Ол ауыртпалық: экономикалық дағдарыс, пандемия тағы тағылар...
Қазақстан алғашқы қиыншылықты елдің бірлігі арқасында өткере білді. Ендігі ретте не істеу керек? Президент Қасым-Жомарт Кемелұлынан күткеніміз де осы.
Жақсылықты, жаңалықты күткеніміз анық. Бұл үмітіміз ақталды. Ауыл дамыса - еліміз көркейеді сондықтанда ауылды, ауылшаруашылығын көтеру керек. Президент бұл мәселені айтты. Ауыл шаруашылығын дамыту, қажетті мамандықты, мамандарды даярлауды үкіметтің назарына ұсынды. Көңілге қонғаны - Жердің сатылмайтындығы. Жер біз үшін, біздің болашағымыз үшін керек. Елдің ертеңін ойлайтын кез келді. Бүгінгі күні ауыспалы егіс жүйесінің сақталмайтындығы мені алаңдатады.
«Экономика халықтың мүддесі үшін еңбек етуі тиіс» - деді Президент. Шын мәнінде адамнан, адамның өмірінен артық қандай құндылық керек.
Күні кешегі күні тиісті сәтте емдік дәрі табуымыз мұң болды. Қ.Ж.Тоқаевтың «дәрі – дәрмекті өзімізде өндіруге тиіспіз» дегені де көңілден шықты.
Жалпы Жолдауды қолдаймыз, қуаттаймыз.
Жолдау орындалуымен құнды.Орындалатынына біз бек сенімдіміз.
Абзал Әділбеков,
Бәйдібек аудандық «Algabas» газетінің
директор-редакторы.