СТЕНД АТУ ШЕБЕРЛЕРІ КҮМІС МЕДАЛЬ АЛДЫ

Бүгін Якутск қаласында өтіп жатқан VIII жазғы «Азия балалары» ойындарында стенд атудан Ұлттық құрама спортшылары күміс жүлде жеңіп алды.

Скиттен аралас жұптық сында Ангелина Сорокина мен Маэль Титкин жұбы 56 ұпай жинап, 2-сатыға жайғасты. Алтын мен қола жарыс қожайындарының (Саха Республикасының 2 командасы) еншісінде қалды.

Айта кетейік, жүлдегерлерді осы ойындардың бас төрешісі, «Азия балалары» ойындарының түлегі Мерей Акшалов марапаттады.