ҚАЗАҚСТАНДЫҚ СПОРТШЫЛАР «АЗИЯ БАЛАЛАРЫ» ОЙЫНДАРЫНДА ЖҮЗУДЕН ТАҒЫ 3 МЕДАЛЬ ЖЕҢІП АЛДЫ

Қазақстандық спортшылар Якутскіде өтіп жатқан  халықаралық «Азия балалары» ойындарында  ел қоржынына жүзуден тағы да 3 медаль салды.

Арқамен жүзуде (100 метр) Александр Румынский (56.74) күміс жүлдегер атанды.

Қола жүлдені Таисия Короткова жеңіп алды. Ол еркін жүзу стилімен 50 метрлік қашықтықты 27.47 секундта жүзіп өтті.

Сондай-ақ, 4x100 аралас эстафета қорытындысы бойынша жасөспірімдер командасы тұғырдың үшінші сатысына көтерілді.