Мəдениет жəне кинотеатр саласының мəселелері талқыланды

Бүгін Қазақстан Республикасы Мəдениет жəне спорт министрі Ақтоты Райымқұлованың қатысуымен əлемдік коронавирус пандемиясы мен карантиндік шектеулер кезіндегі кинотеатрлар қызметіне байланысты кезекті онлайн-кездесу өтті.

ZOOM платформасы арқылы өткен жиынға МСМ Туризм индустриясы комитетінің төрағасы Дастан Рыспеков, «Атамекен» ұлттық кəсіпкерлер палатасы төрағасының орынбасары Юлия Якупбаева, Нұр-Сұлтан, Алматы қаласы мен ШҚО Мəдениет басқармаларының жетекшілері қатысты. 

Жиында Б.Шукенов ("Арман" кинотеатрлар желісі), М.Ягудина (ШҚО кинотеатрлар желісі), А. Малдыбаев (Kinopark кинотеатрлар желісі), Д.Айса (Маңғыстау облысы), Г.Шанытбай (Нур-Сұлтан қаласы) сынды кинотеатрлар желісінің директорлары жұмыс барысына қатысты ұсыныстарын айтты.

Онлайн-кездесуде мəдениет және өнер, оның ішінде кино саласындағы кəсіпкерлерді қолдау мақсатында жасалып жатқан іс-шаралар туралы түсіндірме жұмыстары жүргізілді.

Сонымен қоса кинотеатрлар қызметін қолдауға қатысты іс-шаралар мен жұмысты жандандыру мерзімі талқыланды. Жиын барысында «Атамекен» ұлттық кəсіпкерлер палатасы мен орталық жəне жергілікті атқарушы органдар бірлесе отырып шешуі керек мəселелер анықталды.