ТУРИЗМ ЖӘНЕ СПОРТ МИНИСТРІНІҢ ОРЫНБАСАРЫ ЖЕТІСУ ОБЛЫСЫНЫҢ ТҰРҒЫНДАРЫМЕН КЕЗДЕСТІ

Туризм және спорт министрінің орынбасары Мирас Төлебаев Жетісу облысының тұрғындарымен кездесіп, азаматтардың мәселелері мен ұсыныстарын тыңдады.

Өңірде дене шынықтыру және спортпен шұғылдануға арналған 1046 спорт ғимараты бар. 2024 жылы облыста 9 спорт нысаны салынады. Бұдан бөлек, Президент тапсырмасы бойынша шаңғы-биатлон спорт кешенінің жобалау-сметалық құжаттамасы әзірленуде.

Жыл басынан бері Жетісу облысының спортшылары барлық деңгейдегі жарыстарда 303 медаль (110 алтын, 93 күміс, 100 қола) жеңіп алды.