Әлем чемпионы Махмұд Сабырхан алғашқы кезеңде жеңіске жетті

Италияның Бусто Арсицио қаласында бокстан Париж Олимпиадасының жолдамасы берілетін жарыс өтіп жатыр.

Бүгін әлем чемпионы Махмұд Сабырхан алғашқы жекпе-жегін өткізіп, Эфиопия спортшысы Лета Фикеремариам Яадесаны 5:0 есебімен жеңіп, келесі кезеңге шықты. Енді ол келесі айқасын 8 наурызда 22 жасқа дейінгі санаттағы Азия чемпионатының күміс жүлдегері Саравут Сукзетпен (Таиланд) өткізеді.

 

Фото: Аян ТӨЛЕГЕН