Еліміздің қысқы спорт түрлерін дамыту әлеуеті зор - Елсияр Қанағатов

ҚР Туризм және спорт министрлігі үлкен кешенді жарыстарды үйлестіру үшін арнайы штаб құрды. Онда федерациялардың, Ұлттық Олимпиада комитетінің және комитет жанындағы спортты дамыту дирекциясының өкілдері бар. Ең бірінші маңызды жарыс – жасөспірімдер арасындағы қысқы ойындар.

«Бұл жарыс Олимпиада секілді өтеді. Ол төртінші рет ұйымдастырылып отыр. Бірақ оған 14-17 жастағы балалар қатысатындықтан мәдени және басқа да шаралар ұйымдастырылады. Еліміздің қысқы спорт түрлерін дамыту әлеуеті зор», - деді Олимпиадаға дайындық бойынша штаб жетекшісі Елсияр Қанағатов ОКҚ алаңында өткен баспасөз конференциясында.