Хорватияда кадеттер арасындағы әлем чемпионатында қазақстандық дзюдошылар алтын, күміс және қола медаль жеңіп алды

«Қазақстандық дзюдошы Нұрлан Исатаев-әлем чемпионы!
Еліміздің жас спортшысы Хорватияның Загреб қаласында өткен кадеттер арасындағы әлем біріншілігінде (15-17 жас) алтын медаль алды. Жоғары атақ үшін күресте ол Грузиядан келген Мераби Самадашвилиді жеңді. Қосымша уақытта өткен жекпе-жекте отандасымыз қарсыласынан басым түсті.

Нұрлан Исатаев 55 келіге дейінгі салмақ дәрежесінде өнер көрсетті. Өз тобында бірінші орын алған Нұрлан жартылай финалда тағы бір дзюдошы – Оралбек Байзақпен кездесті, бұл сайыста ол әлем чемпионатының қола жүлдегері атанды.

Ал, 40 келіге дейінгі салмақтағы қыздар арасындағы жарыста Қазақстан құрамасының қоржынына күміс жүлдені Сабина Юлдашбекова салды. Осылайша, біздің жас дзюдошылар әлем біріншілігінің басталған тұсында-ақ медальдық есептің бірінші қатарына көтерілді.

Мен Нұрлан, Сабина және Оралбекті әлем чемпионатында табысты өнер көрсетулерімен құттықтаймын. Біз сіздің жетістіктеріңізді мақтан тұтамыз! Болашақта сізді жарқын жеңістер күтеді деп үміттенемін. Қазір Загребте жүрген дзюдошыларымыздың табысты өнер көрсетуін тілеймін. Бүкіл Қазақстан сіздерге жанкүйер. Алға!»,- деп жазды министр Telegram каналында.