Мәдениет және спорт министрі 99 жастағы соғыс ардагерін Жеңіс күнімен құттықтады

Мәдениет және спорт министрі  Асхат Оралов 99 жастағы соғыс ардагерін Жеңіс күнімен құттықтады.

«Жеңіс күні соғыс ардагері, биыл 100 жасқа толатын Рзағұл Байкешевты құттықтап бардым. Ұлы Жеңістің 78 жылдығымен құттықтап, бейбіт өмір сүріп, бүгінде еліміздің егемендігін нығайтып, дамытуға мүмкіндік берген батылдық пен ерлігі үшін алғыс білдірдім.

Байкешев Рзағұл Ресейдің Калинин облысында, Рыжов және Великий Луг қалаларында соғысқан. Ол Польша, Румыния және Венгрияны азат ету шайқастарына қатысты. Ақтөбе облысының тумасы соғыстан кейін ұзақ уақыт экспедитор болып жұмыс істеді. Ол екі ұл, бес немере және жеті шөбере тәрбиелеп өсірді. Ардагер Отан соғысы ордені, Маршал Жуков медалі және көптеген мерейтойлық медальдармен марапатталған.

Батырмен кездесу - үлкен мәртебе. Мен ардагерге зор денсаулық, амандық және бәріміз үшін лайықты үлгі болып қала беруін тіледім.

Сондай-ақ жеңіс үшін өз өмірін қатерге тіккен барлық ардагерлерге бүгінгі ұрпаққа бейбіт өмір мен жарқын болашақ сыйлағандары үшін алғыс айтамын. Біз ерліктеріңізді ешқашан ұмытпаймыз. Баршаңызға ұзақ өмір және зор денсаулық тілеймін!»,- деп жазды министр Telegram арнасында.