Күрестен Азия чемпионатында Қазақстан құрамасының қоржынына үшінші алтын медаль түсті

Әйелдер арасындағы жарыста 72 келіге дейінгі салмақта өнер көрсеткен Жәмила Бақбергенова жапондық Сумире Ниикураны ұтып, Азияның үш дүркін чемпионы атанды. Финалдық кездесу 5:1 есебімен қазақстандық спортшының пайдасына аяқталды.

Бұл біздің палуандарымыздың Азия біріншілігінде алған үшінші алтын медалі.

Осыған дейін Эльмира Сыздықова мен Ибрагим Магомадов Азия чемпионы атанған болатын.