Асхат Оралов хоккейден қыздар құрамасын әлем чемпионатындағы жеңісімен құттықтады

Бүгін Қазақстан қыздар құрамасы хоккейден жасөспірімдер арасында әлем чемпионатын жеңіп алды.

Мәдениет және спорт министрі спортшыларды жарқын жеңісімен құттықтады.

«Біздің команда Исландияны 7-0 есебімен жеңді. Чемпионат Болгарияның София қаласында өтті.

Осылайша, қазақстандық хоккейшілер бес матчтың бесеуінде жеңіске жетіп, турнир қорытындысы бойынша 15 ұпаймен екінші дивизионның А тобына шықты.

Осыған дейін олар Болгария (8:1), Жаңа Зеландия (7:1), Бельгия (5:3) және Эстония (8:0) командаларын ұтты.

Біздің құраманы жоғары жетістігімен құттықтаймын және жаңа жеңістер тілеймін!»,- деп  жазылған құттықтау хатында.