Токио Олимпиадасының ашылуында ерлермен бірге әйелдер де ту көтеріп шығады

Халықаралық Олимпиада комитеті (ХОК) олимпия ойындарының ашылу салтанатындағы ұлттық құрамалар шеруіне өзгеріс енгізді. Енді әр елдің мемлекеттін туын екі спортшы – бір ер адам және бір әйел адам көтеріп шығады.

«Біз тарихи шешім қабылдадық. Биыл Олимпиадаға қатысушы командалардың құрамында кем дегенде бір ер адам және бір әйел адам болуы керек. Сондай-ақ, біз ХОК хаттамасына өзгерту енгізіп, ойынның ашылу салтанатында әр мемлекеттің туын бір әйел және бір ер адам ұстап шығуын талап етеміз», - деді ХОК президенті Томас Бах. 

Сонымен қатар, ХОК коронавирусқа қатысты төрт жылдықтың басты додасын кейінгі шегеру туралы шешім қабылдауға асықпайтынын да мәлімдеді.  Айта кетейік, жазғы ойындар 24 шілде мен 9 тамыз аралығында өтеді.