Ақтоты Райымқұлова боксшы Бақтай Сәпиевтің отбасына көңіл айтты

Қазақстан Республикасы Мәдениет және спорт министрі Ақтоты Райымқұлова бокстан Кеңес одағының чемпионы Бақтай Сәпиевтің дүниеден өтуіне байланысты туған-туыстарына көңіл айтты.

«Бокстан халықаралық дәрежедегі спорт  шебері, Кеңес одағының чемпионы Бақтай Сәпиевтің дүниеден өтуіне байланысты туған-туыстарына қайғырып көңіл айтамын. Былғары қолғапты серік етіп байрақты бәсекелерде ел намысын абыроймен қорғаған Бақтай ағамыздың рухы пейіште шалқысын. Ағамыздың жатқан жері жайлы, топырағы торқа болсын»,- деп жазылған көңіл айту хатында.