Ибрагим Берсанов Ташкентте күміс жүлде алды

Бүгін Өзбекстан астанасы Ташкентте ауыр атлетикадан өтіп жатқан VI Ынтымақтастық біріншілігінде 109 килограмға дейінгі салмақта Ибрагим Берсанов күміс жүлдегер атанды.

Отандасымыз қоссайыс қорытындысында 387 килограмды (181+206) ырқына көндірді. Ал 410 кг-ды (189+221) бағындырған өзбекстандық Акбар Джураев топ жарды. Қола медаль оңтүстік кореялық Кисам Джионгке (361 килограмм, 171+190) бұйырды.