Нұр-Сұлтанда Qazaqstan Live Fest 2022 халықаралық туристік көрмесі ашылды

Мемлекеттік қолдау шаралары, экотуризмді дамыту, ұлттық парктердің жай - күйі-осы және басқа да тақырыптарды Нұр-Сұлтанда ашылған Qazaqstan Live Fest 2022 халықаралық туристік көрмесі шеңберінде мемлекет, кәсіби қоғамдастық және бизнес өкілдері талқылайды. Іс-шара ҚР Мәдениет және спорт министрлігінің қолдауымен Kazakh Tourism ҰК АҚ-ның, туристік бизнес өкілдерінің, сала сарапшыларының, трэвел-блогерлердің, саяхат, белсенді демалыс және спорт әуесқойларының қатысуымен өткізіледі.

«Бұл алаң кездесудің, тәжірибемен бөлісудің және көптеген сұрақтар бойынша тиімді механизмдерді салыстырудың тамаша мүмкіндігін ұсынады. Көрмеге қатысушылар Қазақстан туралы кеңейтілген ақпарат алатынына сенімдімін, нәтижесінде бұл салаға жаңа туристер мен инвестициялар тартуға ықпал етеді», - деді Мәдениет және спорт министрі Дәурен Абаев.

Іскерлік бағдарлама «Туристік салаға арналған мемлекеттік қолдау шаралары», «Қазақстанның ұлттық парктері мысалында экологиялық туризмді дамытудың жаңа форматтары», «Қазақстан туризмін тұрақты дамыту», «Әлемдік тәжірибелерге шолу және үздік мысалдар» сияқты қазіргі туризмнің өзекті тақырыптарын қозғайды.

Көрмеде экотуризмді, атап айтқанда ұлттық парктерді («Шарын», «Алтын Емел», «Іле Алатауы», «Ұлытау»), сондай-ақ белсенді өмір салтын дамыту тақырыбы жеке қаралатын болады.