Бейжің-2022: Жарыс күнінің қорытындысы

Бүгін, 7 ақпанда, Бейжің Олимпиадасында Қазақстан құрамасы тағы бір жарыс күнін өткізді.

Біздің спортшылар медаль үшін екі спорт түрінен: биатлоннан және конькимен жүгіру спортынан бақ сынады. Бұл жолы ұлттық құраманың көшбасшылары жарысқа шықты.

Бейжің олимпиадасының ашылуы кезінде атлеттер шеруіне шыққан конькишілер Надежда Морозова мен Екатерина Айдова 1500 метр қашықтықта тұғырға көтерілуге тырысты. Бағдарламаның бұл түріндегі күрес өте бәсекелі болды-бастапқы топта соңғы маусымдағы барлық фавориттер болды.

Нәтижеге жету оңай болмады. Марапаттардың тағдырын секундтың жүзден бір бөлігі шешті. Десек те біздің спортшылар үздік ондыққа ене алмады. Морозова 1500 метрден 1:56.85-те өтті. Қорытынды хаттамада ол 30-дан 14-ші орынды алды.

Айдова мәреде 1:59.01 көрсетіп, 18-ші орынды иеленді.

Биатлоншы Галина Вишневская-Шепоренко жеке жарысқа шықты. Бірақ та ол 86 спортшының ішінде 44-ші болып мәреге жетті.

Осы маусымда ол атыс кезінде жақсы нәтиже көрсетті. Егер Галина шаңғыға жылдамдықты қосса, келесі кезеңде жоғары орындар үшін бәсекелесе алады.

Фото: Владислав Семенов пен Сали Сабиров, Қазақстан ҰОК баспасөз қызметі