Ақтоты Райымқұлова ұлттық музыкалық аспап шебері Бабыр Арғыновты қабылдады
"Рухани жаңғыру" бағдарламасы және "Қазақстан өнеріндегі жаңа есімдер" жобасын іске асыру, материалдық емес мәдени мұраны сақтау шеңберінде мәдениет және спорт министрлігі жас дарындармен жұмысты қызу жалғастыруда.
Бүгін Мәдениет және спорт министрі Ақтоты Райымқұлова ұлттық музыкалық аспап шебері, ҚазҰӨУ оқытушысы Бабыр Арғыновты қабылдады.
Кездесу барысында ұлттық аспаптарды жаңғырту мәселелері қозғалды. Жоба авторы Бабыр Арғынов, ұлттық музыкалық аспапты жасау шебері, мультинструменталист - Бакия Азамат және ғылым магистрі, ҚазҰӨУ оқытушысы - Амина Арғынова министрге қазақ халық аспаптарына арналған дәстүрлі Ішекті жаңғырту жобасын таныстырды.
Бұл жай ғана презентация емес - Бабыр Арғынов домбыра мен қобыздың халық аспаптарына арналған Ішекті дайындау бойынша өзінің көп жылғы зерттеу жұмысының қорытындысын көрсетті. 20 ғасырда белгілі ғалым, этнограф, музыкатанушы Болат Сарыбаев айналысқан халықтық, табиғи дыбысты қалпына келтіру бойынша жұмыстар жүргізілуде.
Бабыр Арғынов дәстүрлі "қоңыр" барқыт дыбысқа қалай қол жеткізуге болатыны туралы айтып берді. Оның айтуынша, қазақтың киіз үйіндегі домбырада қайталанбас "қоңыр дыбыс" болған.
Бұл ерекшелік 19 ғасырдың аяғындағы жазбаша дереккөздерде де айтылған. Бірақ өткен ғасырдың 30-жылдарынан бастап домбыра оркестрлік орындаушылықта бірыңғай форманы қолдану мақсатында қайта құрылды. Осыған байланысты "түпнұсқа орындау", "түпнұсқа дыбыс", "түпнұсқа пішін мен жолдар" ұмытылған. Бабыр Арғынов осы тақырыпта бірқатар ұсыныстар айтты.
"Дәстүрлі аспаптардың жандануы "Ұлттық рухани жаңғыру" ұлттық жобасының мақсаттарында көрініс тапқан. Бұл ұлттық кодты сақтау, мәдени бірегейлікті жаңғырту, ұлттық құндылықтар мен дәстүрлерді насихаттау жолындағы маңызды қадам",- деді Бабыр Арғынов.
Министрлік осы жобаның маңыздылығын түсіне отырып, осы бастамалардың жандануын одан әрі қолдайтын болады. Мемлекет жаһандану дәуірінде қазақстандық орындаушыларға Домбыраны халық рухының мұрасы ретінде ілгерілетуге, қазақ халқына тән бірегей құндылықтарды, дәстүрлі аспаптарды жаңғыртуға көмек көрсетуді қажет деп санайды.
Халық арасында қазақ пен домбыраның халық менталитетінде егіз ұғым екені кездейсоқ емес.
"Біздің ортақ жәдігерлеріміздің жан-жақты танымал болуы өте маңызды. Ал өскелең ұрпақтың санасында ұлттық аспаптарымыз лайықты орын алды. Домбыра-бүкіл Қазақстан халқын біріктіретін теңдессіз мәдени мұра, рухани жаңғыру жолындағы халықтың негізгі өзегі",-деп атап өтті Қазақстан Республикасының Президенті Қасым-Жомарт Тоқаев. Қазіргі Қазақстанның мәдени дамуының маңызды бағыттарының бірі мәдени мұраны сақтау, зерттеу және тарату. Елбасы - Қазақстанның Тұңғыш Президенті де осы тақырыпқа деген көзқарасты дәл осылай қарастырады. "Мемлекеттік Мәдени саясат қоғамдық сананы жаңғыртуға, рухани жаңаруға, қоғамның мәдени және жалпыұлттық топтасуына, адамгершілік, өз бетінше ойлайтын шығармашылық, жауапты тұлғаны қалыптастыруға бағытталуы тиіс", - деп үндейді Нұрсұлтан Назарбаев. Халқымыздың сан ғасырлық ұлттық құндылығы мен дүниетанымын дәл сипаттауға қабілетті аспаптардың бірі домбыра екені даусыз. Сондықтан біз оны сақтап, атадан балаға берілетін асыл мұрамызды қастерлеуіміз керек", - деді Мәдениет және спорт министрі.
Кездесу соңында Ақтоты Райымқұлова айтылған ұсыныстардың барлығы міндетті түрде қолдау табатынын атап өтті.