Ұлттық архив базасында мемлекеттік және ведомстволық архив қызметкерлерінің біліктілігін арттыру орталығының салтанатты ашылуы өтеді

2021 жылдың 20 желтоқсанында Қазақстан Республикасы Тәуелсіздігінің 30 жылдығы аясында Қазақстан Республикасы Ұлттық архив базасында мемлекеттік және ведомстволық архив қызметкерлерінің Біліктілігін арттыру орталығының салтанатты ашылуы өтеді.

Іс-шара Қазақстан Республикасы Премьер-Министрінің орынбасары Ералы Тоғжановтың, Қазақстан Республикасы Мәдениет және спорт министрі Ақтоты Райымқұлованың, мемлекеттік және қоғам қайраткерлерінің, ғалымдардың, архив саласы қызметкерлерінің қатысуымен өтеді.

Орталықтың негізгі міндеті – архив саласының жоғары кәсіби мамандарын даярлау. Лекторлар құрамына архив ісі және құжаттау саласындағы тәжірибелі мамандар енгізілген, қазақстандық және шетелдік жоғары оқу орындарының жетекші ғалымдарын тарту жоспарланған.

Іс-шара уақыты: 2021 жылдың 20 желтоқсаны, сағат 11.00.

Өтетін орны: Қазақстан Республикасының Ұлттық архиві (Нұржол желекжолы,12).

БАҚ аккредиттеу үшін байланыс нөмірі:
+ 7 (707) 933 59 17 Әсел Серікпаева