Ұлттық кітапханада Әдебиет академиясы залының ашылу салтанаты өтті

Бүгін Алматыда Қазақстан Республикасының Мәдениет және спорт министрлігінің ұйымдастыруымен Ұлттық кітапханада Әдебиет академиясы залы ашылды.

Әдебиет академиясы залын ашудағы мақсат – жас ақындардың, прозашылардың өзін-өзі тануына, поэтикалық және прозалық жанрларды насихаттау үшін жағдай жасау. Әдеби қабілеттерін, көркем проза мен өлең жазудың бастапқы дағдыларын дамыту, әдебиет саласындағы ой-өрістерін кеңейту.

Іс-шара барысында Алматы қаласының жас ақындары мен шығармашыл жастары өлең, қазақ әдебиеті классиктерінің афоризмдерін оқыды. Арнайы кітап көрмесі ұйымдастырылды.