Дархан Асаділов жартылай финалда өнер көрсетеді

Каратэші Дархан Асаділов кумите бағдарламасында жартылай финалға шықты. Отандасымыз финалға шығу үшін Әлем чемпионы (2018) франциялық Стивен Да Костамен шеберлік байқасады.

67 килоға дейінгі салмақ дәрежесінде жарысты А тобында бастаған Дархан барлық қарсыласын сенімді ұтты. Қазақстандық каратэші алғашқы жекпе-жекте түркиялық Эрай Шамданды, осыдан кейін әзірбайжандық Фирдовси Фарзалиевті, жапониялық Наото Сагоны, мысырлық Әли Эльсавиді тізе бүктірген болатын.

Дарханмен бірге А тобынан Эрай Шамдан да шықты.