Ақтоты Райымқұлова Олимпиада дайындығына арналған республикалық базаның құрылысымен танысты

Қазақстан Республикасының Мәдениет және спорт министрі Ақтоты Райымқұлова Алматы облысына жұмыс сапары барысында Олимпиада дайындығына арналған республикалық базаның құрылыс жұмысымен танысты.

Министрге Алматы облысындағы республикалық олимпиада даярлау базасының құрылыс-монтаждау жұмысы биыл жыл соңына дейін аяқталатыны айтылды.

Нысан құрылысына тапсырыс беруші – Қазақстан Республикасы Мәдениет және спорт министрлігінің Спорт және дене шынықтыру істері комитеті.

Бас мердігер – Astana Building KZ ЖШС.

Негізгі техникалық-экономикалық көрсеткіштерге сәйкес, жер учаскесінің жалпы ауданы-40 гектар; ғимараттың жалпы ауданы - 130 831,45 шаршы метр, құрылыс көлемі - 800 978,42 м куб.