ҚР МСМ және Ш. Шаяхметов атындағы «Тіл-Қазына» ұлттық ғылыми-практикалық орталығының қызметкерлері жеке басын куәландыратын құжаттарды ұлттық негізде рәсімдеуге көшті

"Ұлты қазақ адамдардың тегі мен әкесінің атын жазуға байланысты мәселелерді шешу тәртібі туралы" Қазақстан Республикасы Президентінің 1996 жылғы 2 сәуірдегі № 2923 Жарлығына сәйкес ұлты қазақ адамдар тегін және әкесінің атын жазуды өзгертуге ниет білдіру туралы өтінішхатпен еркін нысанда өтініш бере отырып, қалаған тегін, әкесінің атын мемлекеттік немесе орыс тілінде көрсете отырып, өтініш жасай алады. Бұл ретте, қазақ тектерінде тегі мен әкесінің тектерінің түбірлік негіздері сақталады, әкесінің атын жазғанда бір мезгілде әкесінің атына адамның жынысына қарай "ұлы" немесе "қызы" деген аяқтаулар бірге қосылады.

Жаңа паспорттар мен жеке куәліктер иелерінің пікірінше, құжаттарды жаңарту жөніндегі акция ұлттық бірегейлікті нығайтуға, ұлттық құндылықтар мен дәстүрлерді нығайтуға, сондай-ақ дәстүрлі қазақ аттарын жазуда жеке құжаттарын алуға ниет білдірген азаматтарды қолдауға бағытталған.

Тіл саясаты комитеті мен "Тіл-Қазына" ҰҒПО-ның 50-ден астам қызметкері құжаттарды ауыстыру жөнінде елордалық Халыққа қызмет көрсету орталығына өтініш білдірді. Олар құжаттарды рәсімдеу қандай да бір қиындық тудырмағанын және Қазақстанда өздерінің жеке деректерін қазақ халқының дәстүрлеріне сәйкес өзгертуге ниет білдірушілер аз емес екенін, олардың ұжымдық бастамасын қолдауға дайын екенін атап өтті.

Естеріңізге сала кетейік, биылғы жылы Мәдениет және спорт министрі Арыстанбек Мұхамедиұлы Ұлттық дәстүрді қайта жаңғыртып, жаңартқан Қазақстанда Наурыз мейрамын мерекелеудің жаңа үлгісін ұсынды. Оның пікірінше, Қазақстан халқының ұлттық санасын көтеріп, жастарды тәрбиелейтін Наурыз форматы аса маңызды.