Мәдениет және өнер саласы ұйымдары мен қызметкерлерінің «Рухани қазына» фестивалі өтуде

21-23 мамыр, 2019. Мәдениет және спорт министрлігі мәдениет пен өнер саласы қызметкерлері күніне орай Мәдениет және өнер саласы ұйымдары мен қызметкерлерінің «Рухани қазына» фестивалін өткізуде.

Екінші рет ұйымдастырылып отырған Фестиваль Қазақстан Республикасының Тұңғыш Президенті – Елбасы Н.Ә. Назарбаевтың «Рухани жаңғыру» бағдарламалық мақаласының «Туған жер» арнайы жобасы аясында өткізіледі.

Фестивальдің мақсаты – мәдениет саласы қызметкерлерінің қызметінде тәжірибе алмасуға мүмкіндік беру, соның ішінде кітапхана, музей, мәдени ойын-сауық саласындағы қызметкерлердің кәсіби шеберлігін арттыру, қазақстандық патриотизм мен ұлттық-мәдени бірлікті дамыту аясында ұлттық мәдениетті насихаттау, аймақтық мәдениет ұйымдарының имиджін көтеру, үздік әлеуметтік-мәдени және білім беру тәжірибелерін ортаға салу болып табылады.

Фестиваль міндеттері – бірыңғай мәдени кеңістікті дамыту, аймақтардағы мәдени мұралармен танысу, жұмыс бойынша тәжірибе алмасу, қоғамдық сананы жаңғырту аясында мәдениет ұйымдары қызметтерінің мазмұнын жаңарту бойынша идеялар іздеу, мәдениет қызметкерлерінің кәсіби шеберлігін арттыру болып табылады.

Сондай-ақ шара аясында мемлекеттік музейлер (облыстық, аудандық (қалалық) маңызы бар),мемлекеттік кітапханалар (облыстық, аудандық (қалалық), ауылдық маңызы бар), мемлекеттік мәдени ойын-сауық ұйымдары (облыстық, аудандық (қалалық) маңызы бар)арасында өткізілетін республикалық «Рухани қазына-2019» байқауының нәтижесі жарияланатын болады.

Байқау нәтижесінде қатысушылар келесі номинациялар бойынша марапатталады:

1) Үздік облыстық маңызы бар мемлекеттік музей;

2) Үздік аудандық (қалалық) маңызы бар мемлекеттік музей;

3) Үздік облыстық маңызы бар кітапхана;

4) Үздік аудандық (қалалық) маңызы бар кітапхана;

5) Үздік ауылдық маңызы бар кітапхана;

6) Үздік облыстық маңызы бар зағип және нашар көретін азаматтарға арналған кітапхана;

7) Үздік облыстық халық шығармашылығы орталығы;

8) Үздік аудандық (қалалық) мәдениет үйі, мәдениет сарайы;

9) Үздік ауылдық мәдениет үйі, клубы.

Мәдениет ұйымдарының қызметкерлері келесі номинациялар бойынша марапатталады:

1) Үздік облыстық маңызы бар мемлекеттік музей қызметкері;

2) Үздік аудандық (қалалық) маңызы бар мемлекеттік музей қызметкері;

3) Үздік облыстық маңызы бар кітапхана қызметкері;

4) Үздік аудандық (қалалық) маңызы бар кітапхана қызметкері;

5) Үздік ауылдық маңызы бар кітапхана қызметкері;

6) Үздік облыстық маңызы бар зағип және нашар көретін азаматтарға арналған кітапхана қызметкері;

7) Үздік облыстық халық шығармашылығы орталығының қызметкері;

8) Үздік аудандық (қалалық) мәдениет үйі, мәдениет сарайының қызметкері;

9) Үздік ауылдық мәдениет үйінің, клубтың қызметкері.