Ә. Қастеев атындағы мемлекеттік музей 85 жылдығын атап өтті

Мерейтойлық іс -шараға ҚР Мәдениет және спорт министрі Ақтоты Райымқұлова қатысты. Министр мұражайдың құрылу тарихы мен Қастеев музейінің қорында сақтаулы тұрған халық суретшілерінің жұмысын атап өтті.

"Мұражай-еліміздің қолөнер шеберлерінің туындылары мен алып картиналарды сақтап қана қоймай, жаңа идеялар мен жобаларды жүзеге асыратын ірі мәдени және білім беру орталығы.

Бүгінде Ұлттық өнердің мұражай коллекциялары Ұлыбритания, Италия, Қытай, Біріккен Араб Әмірліктері, АҚШ, Түркия, Жапония және басқа елдерде таныстырылған, деп мақтанышпен айта аламыз.

Биыл әлемдегі, соның ішінде Қазақстандағы эпидемиологиялық шектеулерге қарамастан, Қастеев мұражайы келушілерге онлайн-қызметтер ұсынды.

Біз мұнда қызмет ететіндердің кез келгені эстетикалық білімді, өнерге деген сүйіспеншілікті және рухани өсуге деген ұмтылысты ояту үшін үнемі жұмыс істейтінін білеміз.

Осы мүмкіндікті пайдалана отырып, баршаңызға зор денсаулық, отбасыларыңызға амандық, сарқылмас қуат және өз ісіңізге деген сүйіспеншілік тілеймін.

Музей қызметкерлері алдағы уақытта да халқымыздың рухани мәдениетіне өз үлестерін қосатынына сенімдімін", - деді Ақтоты Райымқұлова.

Сондай-ақ, Министр Гүлзира Молдашева, Гүлшат Қожамжарова, Күлзипа Ескендірова, Екатерина Резникова және Гүлайым Жұмабековаға төсбелгі табыс етті.

Іс-шара барысында Бейбітгүл Абирова, Наталья Баженова және Аида Елеуова грамоталармен марапатталды.

Мерейтойға орай мұражай қонақтарға арнап салтанатты концерттік жобаны, Қазақстан кескіндеме каталогының III томының тұсаукесерін және мұражай тарихының жаңа экспозициясының ашылуын қамтитын бағдарлама дайындаған.