PHILHARMONIC NEW YEAR FEST 2020 фестивалінің ашылу салтанаты өтеді

19 желтоқсанда Қазақстан Республикасы Мәдениет және спорт министрлігінің қолдауымен Жамбыл атындағы Қазақ мемлекеттік филармониясының 85 жылдық мерейтойына арналған PHILHARMONIC NEW YEAR FEST-2020 бірінші қысқы фестивальдің ашылу салтанаты өтеді.

Мерекелік марапаттау рәсімінен кейін, ашылу кеші ҚР Мемлекеттік үрмелі аспаптар оркестрінің концертік бағдарламасымен жалғасады.

Фестивальдің мақсаты - әлемдік классикалық музыканың һәм ұлы Қазақ өнерінің рухани қарашаңырағына айналған Жамбыл атындағы Қазақ мемлекеттік филармониясының мерейтойын атап өту және 85 жыл ішінде осы ұжымда еңбек еткен ұлы есімдерді ұлықтап, музыка өнерінің озық үлгілерін насихаттау.

Біздің анықтама:

Жамбыл атындағы Қазақ мемлекеттік филармониясы 1935 жылдың 14 қаңтарында құрылған. Тұңғыш директоры және көркемдік жетекшісі болып музыкатанушы, ғалым, композитор, дирижер, Қазақстанның Халық артисі, академик Ахмет Қуанұлы Жұбанов қызмет атқарған. Сол күннен бері 85 жыл көлемінде филармония еліміздегі ең ірі мәдени орталықтардың бірегейі әрі Алматы қаласының тарихи сәулетті ғимараты.

Басталуы: 19 желтоқсан, 18.00

Мекен-жайы: Қалдаяқов көшесі 35/23

Байланыс үшін: +77028098007

E-mail: fil.almaty@gmail.com