СТЕНД АТУ: ӘСЕМ ОРЫНБАЙ XX ЖАЗҒЫ АЗИЯ ОЙЫНДАРЫНЫҢ ҚОЛА ЖҮЛДЕГЕРІ АТАНДЫ

Жапонияның Аичи префектурасы мен Нагоя қаласында өтіп жатқан жазғы Азиадада стенд атудан әйелдер арасындағы финал аяқталды.

Ұлттық құрама көшбасшысы Әсем Орынбай 3-орыннан көрінді. Ол ақтық сында 28 ұпай жинады.
Бұл бағдарламада Қытай өкілі топ жарса, Таиланд өкілі күміс жүлдегер атанды.

Финалдағы тағы бір отандасымыз Зоя Пискун 6-сатыға тұрақтады.

Еске сала кетейік, 2022 жылғы Ханчжоудағы Азия ойындарында Әсем 2 алтын, 1 қола медаль жеңіп алған.

Жалпы XX жазғы Азия ойындары 4 қазанға дейін жалғасады. Қазақстан Ұлттық құрамасының сапында 558 спортшысы қатысып жатыр. Олар жарыс бағдарламасындағы 35 спорт түрінен жүлдеге таласады.